Kigali

Ubuyobozi bwa Chelsea bwaciye ibintu kubera umutoza bushaka gusimbuza Maurizio Sarri

Imikino   Yanditswe na: Dusingizimana Remy 16 May 2019 Yasuwe: 4001

Ku munsi w’ejo nibwo amakuru yacicikanye ko ubuyobozi bw’ikipe ya Chelsea FC bwamaze gufata umwanzuro wo kwirukana umutoza wayo Maurizio Sarri nyuma y’umukino wa nyuma wa UEFA Europa League ndetse ngo biteguye guha akazi uwahoze ari umukinnyi wabo Frank Lampard.

Chelsea itaritwaye neza uyu mwaka nubwo yarangije ku mwanya wa 3 muri Premier League,yiteguye kwirukana umutoza w’Umutaliyani Maurizio Sarri,yarangiza ikamusimbuza Frank Lampard umaze umwaka w’imikino atoza ikipe ya Derby County.

Nubwo Maurizio Sarri yafashije Chelsea kugera ku mukino wa nyuma wa Carabao Cup na Europa League,ngo ntabwo umuherwe w’iyi kipe,Roman Abramovich, yishimiye uko abafana bamufata ariyo mpamvu ngo azirukanwa muri Kamena kabone nubwo yatwara igikombe cya UEFA Europa league kuwa 29 Gicurasi uyu mwaka.

Ibitangazamakuru byo mu Butaliyani byatangaje ko n’uyu mutoza aziko azirukanwa ariyo mpamvu abamuhagarariye batangiye kuvugana n’ikipe ya AS Roma kugira ngo azayerekezemo mu mpeshyi.

Frank Lampard waraye ugeze ku mukino wa nyuma wo gushaka itike yo kwerekeza mu cyiciro cya mbere mu bwongereza ubwo ikipe ye ya Derby yatsindaga Leeds ibitego 4-2,arahabwa amahirwe yo guhita afata Chelsea cyane ko ari umunyabigwi wayo ndetse ngo uko yitwaye mu cyiciro cya kabiri byeretse ubuyobozi bwa Chelsea ko azaba umutoza ukomeye.

Abafana bamwe na bamwe ba Chelsea FC batangiye gushidikanya ku bushobozi bwa Lampard bwo gutoza ikipe y’igihangange nka Chelsea,kuko amaze umwaka umwe mu butoza kandi iyi kipe igira igitutu cyinshi.



Frank Lampard ashobora gusimbura Sarri muri Chelsea

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kimenyi Yves yatunguwe n’agahimbazamusyi gahanitse Rayon Sports...

Umunyezamu wa mbere wa Rayon Sports,Kimenyi Yves yatangaje ko yatunguwe...
23 August 2019 Yasuwe: 3418 0

Tchabalala wamamaye muri Rayon Sports yasinyiye ikipe ya Bugesera FC...

Rutahizamu Hussein Tchabalala wamenyekanye mu makipe abiri yo mu Rwanda...
23 August 2019 Yasuwe: 2682 0

Cristiano Ronaldo yatangaje impamvu aterekeje muri Arsenal yamushatse akiri...

Rutahizamu Cristiano Ronaldo uri mu ba mbere ku isi,yavuze ko yaganiriye...
23 August 2019 Yasuwe: 2048 0

Rutanga yavuze amayeri bazakoresha kugira ngo basezerere ikipe ya Al...

Kapiteni wa Rayon Sports,Rutanga Eric yabwiye abanyamakuru mbere yo...
23 August 2019 Yasuwe: 2468 0

Rayon Sports yakubye inshuro 16 agahimbazamusyi k’abakinnyi kugira ngo...

Rayon Sports yaraye yerekeje mu gihugu cya Sudani gukina umukino wo...
23 August 2019 Yasuwe: 1907 0

APR FC yegukanye igikombe cyahuzaga ingabo muri EAC itarakina umukino wa...

Ikipe ya APR FC ihagarariye igisirikare cy’ u Rwanda,RDF,yegukanye igikombe...
22 August 2019 Yasuwe: 2705 3