Kigali

Ubuyobozi bwa Rayon Sports bwavuze uburyo bwaguze abakinnyi batandukanye barimo Jules Ulimwengu buziko ari abanyarwanda

Imikino   Yanditswe na: Martin Munezero 17 August 2019 Yasuwe: 8000

Ni nyuma yaho abakinnyi bagera kuri 24 bakina mu Rwanda bafite indangamuntu z’u Rwanda ariko hatazwi neza uburyo bazibonye ariyo mpampu bamwe mu bakinnyi bahamagawe n’ibiro by’abinjira n’abasohoka by’u Rwanda kubera gukekwaho ko babonye ubwenegihugu binyuranyije n’amategeko.

Ikipe ya Rayon Sports yavuze ko abo baguze bari bazi ko ari abanyarwanda ibindi ari iby’ubuyobozi bubishinzwe buzabikurikirana.

Nyuma y’uko bigiye bivugwa ko hari abakinnyi bagiye babona indangamuntu zo mu Rwanda mu buryo bunyuranyije n’amategeko, aba bakinnyi bivugwaho batumijwe n’ibiro by’abinjira n’abasohoka mu Rwanda maze ngo bisobanure.

Muri aba bakinnyi bahamagawe harimo abakinnyi 3 b’ikipe ya Rayon Sports ari bo; Ndizeye Samuel, Irakoze Saidi na Jules Ulimwengu bose bakomoka I Burundi.

Umuvugizi w’ikipe ya Rayon Sports, Jean Paul Nkurunziza avuga ko batagereje icyemezo cy’ubuyobozi bwabatumije cyane ko bo nta ruhare babigizemo, babaguze bavuye mu yandi makipe kandi bafite Indangamuntu.

Yagize ati“Rayon Sports ntabwo ari twe dutanga Indangamuntu, nta n’ubwo dutanga ubwenegihugu ngira ngo nka Jules Ulimwengu twamubonye mu ikipe ya Sunrise aho yakinaga nk’umunyarwanda turamushima turamugura tuzi ko ari umunyarwanda.”

“Iragire Saidi ni umukinnyi w’umunyarwanda wanakiniye ikipe y’igihugu ari muri Mukura, Samuel na we ni umunayrwanda afite Indangamuntu, twe twabasinyishije nk’abanyarwanda ubwo ababishinzwe cyangwa abazimuhaye twiteguye kureba icyo urwego rubishinzwe ruzakora.”

Kugeza uyu munsi nyuma yo kuvugana n’urwego rubishinzwe ntabwo haramenyekana umwanzuro wafashwe niba barasanze barazibonye byemewe n’amategeko cyangwa binyuranyije nayo.

Amakuru yavugagako abakinnyi 30 bakina mu gihugu cy’u Rwanfa bakoresha indangamuntu nyarwanda , ngo muri aba bakinnyi hari abavugako ababyeyi babo ari abanyarwanda.

Ni igikorwa kibaye nyuma y’intabaza yatanzwe na Rurangirwa Louis, wavuze ko hari abantu benshi cyane cyane Abarundi, bakina mu Rwanda, batunze indangamuntu zabonywe mu buryo butemewe.

Rurangirwa usanzwe ari umuyobozi wa Rugende WFC, yavuze ko mu bushakashatsi yakoze, yasanze abakinnyi basaga 24 bakomoka mu Burundi bakinira ku byangombwa by’u Rwanda, asaba Urwego rw’abinjira n’abasohoka, Ikigo cy’Igihugu gishinzwe indangamuntu (NIDA) na FERWAFA kubikurikirana.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble sanchez

    Migration goodwork kbs turi mu RWANDA Apana URUNDI-RWANDA CG RWANDA-RUNDI Ababigizemo uruhara bose bazashikirizwe ubutabera kuko birarambiranye. amavubi yacu "RWANDA" national team nakuntu rwatera imbere abakinnyi bari kuri bench. ubundi se muri Tanzania Kenya Uganda nabanyarwanda bakinirayo.

    4 weeks ago

Inzindi nkuru

Umutoza wa APR FC yabajije ikibazo gitangaje abanyamakuru nyuma yo...

Umutoza mushya wa APR FC,Mohamed Adil yanenze imisifurire yo mu gikombe...
15 September 2019 Yasuwe: 3253 0

Hazard na Courtois bagiriye inama Zidane y’umukinnyi yagura agafasha Real...

Rutahizamu Eden Hazard n’umunyezamu Thibaut Courtois babwiye umutoza wabo...
15 September 2019 Yasuwe: 2259 0

Neymar Jr yahaye ubutumwa bukomeye abafana ba PSG bamuvugirije...

Rutahizamu Neymar Jr waraye akinnye umukino we wa mbere muri PSG muri uyu...
15 September 2019 Yasuwe: 2625 0

Kidum yiyemeje guhagarika kuririmbira mu Rwanda no mu Burundi kubera...

Umuhanzi Nimbona Jean Pierre yamaze gutangaza ko agiye guhagarika...
15 September 2019 Yasuwe: 3277 0

Umutoza watoje ikipe y’igihugu y’u Rwanda amavubi yitabye Imana

Umukambwe ukomoka mu gihugu cy’Ubudage Rudi Gutendorf, uzwiho kuba yaratoje...
15 September 2019 Yasuwe: 2156 0

CAF CC: AS Kigali yananiwe kubyaza umusaruro amahirwe yo gukinira mu...

AS Kigali ntiyabashije kwizigamira impamba yo kuzajyana I Kampala mu mukino...
14 September 2019 Yasuwe: 2370 0