Kigali

Ubwumvikane buke hagati y’abakinnyi n’abatoza nibyo bitesheje Rayon Sports igikombe

Imikino   Yanditswe na: Dusingizimana Remy 6 June 2018 Yasuwe: 2588

Gushwana hagati y’umutoza wa Rayon Sports Ivan Minnaert n’abatoza bamwungirije ndetse n’abakinnyi nibyo bibaye intandaro yo kubura igikombe cya shampiyona yari ihataniye na APR FC na AS Kigali.

Gutsindwa n’Amagaju FC ibitego 2-1 ku munsi w’ejo,byatumye Rayon Sports itakaza amahirwe yo kwisubiza igikombe cya shampiyona yatwaye umwaka ushize aho abafana bashinje Ivan Minnaert kugira uruhare runini mu gutsindwa kwayo.

Abakinnyi ba Rayon Sports ntibacyitangira umutoza Minnaert

Mbere y’umukino w’Amagaju FC,Ivan Minnaert yasohoye abatoza bamwungirije mu nama ya nyuma yakoranye n’abakinnyi abahoye ko bamusabye kubanza mu kibuga Djamal Mwiseneza.

Ivan Minnaert yakuye Muhire Kevin mu bakinnyi 18 bagombaga guhura n’Amagaju amuhoye gukereza bisi itwara abakinnyi ibajyanye mu Nzove mu myitozo,kubera ko yari yibagiwe imyenda y’imyitozo.

Biravugwa ko Kwizera Pierrot yanze gukina umukino w’Amagaju FC ku bushake akabeshya ko afite imvune kandi ntayo aho yashinjwe na bamwe muri bagenzi be ko atishimiye gukorana na Minnaert.

Mu nama yabaye nyuma yo gutsindwa n’Amagaju FC,bamwe mu bakinnyi ba Rayon Sports bavuze ko hari abakinnyi basigaye babeshya ko bavunitse kandi ari bazima kugira ngo badakina imikino imwe n’imwe.

Abakinnyi nka Nahimana Shassir,Bimenyimana Bonfils Caleb,Kwizera Pierrot n’abandi batavuzwe ntibifuza gukorana na Minnaert bituma batagaragara ku mikino imwe n’imwe ndetse bamwe basigaye basiba imyitozo uko bishakiye.

Nyuma y’umukino w’Amagaju FC,Ivan Minnaert yatangaje ko abakinnyi batitanze uko bikwiriye ndetse batigeze bahangana, aho bivugwa ko hari abakinnyi bashaka kumwirukanisha.

Bamwe mu bafana ba Rayon Sports bavuze ko ubuyobozi bwa Rayon Sports bukwiriye gushakira igisubizo aya makimbirane ari mu ikipe ndetse basaba ko Minnaert ukomeje guteza umwiryane yakwirukanwa

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mukura VS yatakaje amafaranga menshi mu mikino nyafurika yabuze...

Abakinnyi ba Mukura VS bararira ayo kwarika kubera ko ikipe yabo yashoye...
22 January 2019 Yasuwe: 720 0

Munyaneza Didier yatsindiye igihembo cya mbere muri La Tropicale amissa...

Umusore Munyaneza Didier wayoboye igihe kinini agace ka mbere k’isiganwa rya...
21 January 2019 Yasuwe: 1747 0

Thierry Henry yasabye imbabazi umukinnyi yatutse kuri nyirakuru

Umutoza wa AS Monaco yatangiye kwibasira abakinnyi b’ikipe bahanganye, kuko...
21 January 2019 Yasuwe: 1801 0

Mangwende yatangaje abakinnyi babiri yifuza ko havamo umwe umusimbura muri...

Myugariro Imanishimwe Emmanuel uzwi nka Mangwende yatangaje ko yamaze...
21 January 2019 Yasuwe: 3414 0

Karekezi Olivier yahaye ubutumwa bukomeye amakipe yo mu Rwanda yifuza ko...

Umutoza Karekezi Olivier uri mu biruhuko mu Rwanda yatangaje ko ataje mu...
21 January 2019 Yasuwe: 4312 0

APR FC ishobora gutakaza amahirwe yo kwegukana igikombe cya shampiyona...

Ikipe ya APR FC iyoboye urutonde rwa shampiyona y’uyu mwaka,igiye gutakaza...
21 January 2019 Yasuwe: 2812 1