Kigali

UCL: Tottenham na Real Madrid zasebeye mu rugo mu gihe Cristiano Ronaldo yakomeje kwandika amateka

Imikino   Yanditswe na: Dusingizimana Remy 2 October 2019 Yasuwe: 2025

Ikipe ya Tottenham yageze ku mukino wa nyuma ubushize yaherewe isomo ry ruhago ku kibuga cyayo ubwo yatsindwaga na Bayern ibitego 7-2 mu mikino ya UEFA Champions League mu gihe Real Madrid yo yananiwe gutsindira Club Brugge ku kibuga cyayo.

Tottenham yaraye ihuriye n’uruva gusenya ku kibuga cyayo kuko yanyagiwe ibitego 7-2 na Bayern Munich mu mukino wa kabiri wo mu itsinda rya B bituma benshi bibaza ku hazaza h’umutoza Mauricio Pochettino ukomeje gusubira inyuma ubutitsa.

Nubwo ariyo yafunguye amazamu ku munota wa 12 ibifashijwemo na Heung Min Son,Tottenham yaje kunyagirwa imvura y’ibitego n’abakinnyi ba Bayern Munich barimo Serge Gnabry watsinze 4,Robert Lewandowski atsinda 2 mu gihe Josua Kimmich nawe yatsinze igitego.Ikindi gitego cya Tottenham cyatsinzwe na Harry Kane.

Serge Gnabry w’imyaka 24 wakiniye Arsenal imyaka 4, yatsinze ibi bitego byose mu gice cya kabiri ahita ashyinyagurira Tottenham ku mbuga nkoranyambaga ze ati "North London is Red"bisobanura ngo amajyaruguru ya London ni umutuku.Iyi mvugo ikunze gukoreshwa n’abafana ba Arsenal iyo batsinze Tottenham.

Tottenham ntirabasha kubona intsinzi mu mikino 2 imaze gukinwa kukoyanganyije 2-2 na Olympiacos mu mukino ubanza mu gihe Bayern Munich yanyagiye Crvena Zvezda 3-0.Muri iri tsinda Crvena Zvezda yaraye itsinze Olympiacos ibitego 3-1.

Tottenham niyo kipe ya mbere mu Bwongereza itsinzwe ibitego byinshi cyane mu mukino umwe wa UEFA Champions League mu mateka.

Indi kipe iri mu bihe bibi ni Real Madrid kuko yaraye isunitswe n’abasifuzi kugira ngo ibashe kunganya na Club Brugge ibitego 2-2 mu mukino wabereye ku kibuga cyayo Santiago Bernabeu.

Real Madrid yasubiye inyuma cyane yatsinzwe ibitego 2-0 mu gice cya mbere na rutahizamu wa Club Brugge witwa Dennis Emmanuel Bonaventure hanyuma ibyishyura bigoranye mu gice ca kabiri.

Real Madrid yananiwe gutsinda iyi kipe yarangije ari abakinnyi 10 nyuma y’aho kapiteni wa Brugge witwa Rudd Vormer yaherewe ikarita itukura ku munota wa 84,yafunguye amazamu ku munota wa 55 ku gitego cyatsinzwe na Sergio Ramos wasaga n’uwaraririye nubwo VAR yaje kubimufashamo.

Real Madrid itagisatira cyane nkuko yahoze yaje gukomeza gushaka igitego cyo kwishyura ibigeraho ku munota wa 85 ku munota wa 85 ubwo Casemiro yatsindaga n’umutwe ariko yabanje gusunikira mu kirere umukinnyi wa Club Brugge.

Nyuma yo kwandagazwa na PSG,ikipe ya Real Madrid yongeye kugaragaza urwego rwo hasi cyane aho kuri ubu ifite inota rimwe mu mikino 2 imaze gukina mu itsinda A.PSG yaraye itsinze Garatasaray igitego 1-0 cya Mauro Icardi.

Cristiano Ronaldo akomeje kwandika amateka muri UEFA Champions League kuko yaraye atsinze igitego cya 127 mu mukino ikipe ye ya Juventus yatsinzemo Bayer Leverkusen ibitego 3-0.Ibindi bitego bya Juventus byatsinzwe na Gonzalo Huguain na Federico Bernardeschi.Atletico Madrid bahuriye mu itsinda rimwe rya D yatsindiye Locomotiv Moscow ku kibuga cyayo ibitego 2-0 bya Joao Felix na Thomas Partey.

Ronaldo yaraye abaye umukinnyi wa mbere utsinze imikino myinshi aho yakuyeho agahigo ka Iker Casillas wari ufite 101 mu gihe uyu munya Portugal yaraye atsinze umukino wa 102.

Nta wundi mukinnyi umaze kwibasira amakipe yo mu gihugu kimwe nka Cristiano Ronaldo kuko amaze gutsinda amakipe yo mu Budage ibitego 27 mu mikino 25 amaze gkina n’amakipe yo mu Budage.

Ronaldo amaze imyaka 14 yikurikiranya atsinda igitego muri Champions League agahigo anganya na Raul na Messi.

Ikipe ya Manchester City yatsindiye ku kibuga cyayo Dinamo Zagreb ibitego 2-0 bya Raheem Sterling na Phil Foden mu gihe Atlanta yatsindiwe mu rugo na Shakhtar Donetsk ibitego 2-1.






Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza uhabwa amahirwe menshi yo gutoza ikipe ya Manchester United...

Nta muntu ukurikira umupira utabona ko umutoza wa Manchester United witwa...
16 October 2019 Yasuwe: 1736 0

Real Madrid yiyemeje gutanga akayabo na James Rodriguez kugira ngo ihaze...

Ikipe ya Real Madrid itarabasha kwiyubaka ku rwego umutoza wayo Zinedine...
16 October 2019 Yasuwe: 1520 0

Umunyarwanda Hitimana agiye guhagarikwa kubera Imiti imwongerera imbaraga...

Umunyarwanda Hitimana Noël usiganwa ku maguru ku ntera ndende, agiye...
15 October 2019 Yasuwe: 1769 0

Online Fun Club yabonye wa mwana wagaragarije urukundo rudasanzwe Muhadjiri...

Umwana wamamaye ku mbuga nkoranyambaga kubera ukuntu yiyanditseho ku mupira...
15 October 2019 Yasuwe: 4747 2

Sadio Mane yahishuye impamvu atagura imodoka zihenze nka Aubameyang n’ibindi...

Rutahizamu Sadio Mane ukinira ikipe ya Liverpool FC yo mu Bwongereza...
15 October 2019 Yasuwe: 4103 1

Haruna Niyonzima yishimiye bikomeye no kongera kubonana na Abdallah afata...

Haruna Niyonzima usanzwe ari Kapiteni w’ikipe y’igihugu Amavubi, yishimiye...
15 October 2019 Yasuwe: 3426 0