Kigali

UCL:Uko imikino iteganyijwe kuri uyu wa gatatu n’ibiri kuvugwa mu makipe akomeye

Imikino   Yanditswe na: 13 September 2017 Yasuwe: 262

Kuri uyu wa gatatu nibwo imikino y’irushanwa ry’amakipe yabaye aya mbere iwayo ku mugabane w’I Burayi (UEFA Champions League) aho haratangira imikino yo mu itsinda E kugeza muri H.Amakipe nka Real Madrid,Liverpool,Manchester City n’ayandi araza kuba ari mu kibuga ku I saa mbili na 45 z’umugoroba.

Ikipe ya Real Madrid iherutse gutwara iki gikombe inshuro 2 zikurikiranya iraza kuba yakiriye ikipe ya Apoel yo muri Cyprus kuri uyu wa Gatatu aho benshi mu bakinnyi bakomeye bayo baraba bahari uretse Karim Benzema ufite ikibazo cy’imvune.

Mu ikipe ya Manchester City iraza gukina na Fayenoord umukino urabera mu Buholandi aho ikiri kuvugwa muri Manchester City ari ibura ry’umukinnyi Yaya Toure aho umutoza Pep Guardiola yanze gutangaza impamvu atari kumukinisha aho yavuze ko Toure ari ku rwego rwo hasi ataramwemeza.

Ikipe ya Manchester City iraza gukina idafite kapiteni wayo Vincent Kompany wagize ikibazo cy’imvune ndetse na Yaya Toure utari mu ikipe mu gihe umunyezamu Ederson uherutse gukomereka ku itama mu mukino banyagiye Liverpool we ahari.

Indi kipe ikunzwe na benshi ni Liverpool yo iracakirana na Sevilla yo muri Espagne aho iraza kuba yakiriye uyu mukino.Abakinnyi badahari muri Liverpool ni Lallana wenyine mu gihe Salah we ashidikanywaho kubera uburwayi afite mu gihe Sevilla iraza gukina idafite Nolito na Geis.

Ikipe ya Tottenham yo iraza kwakira ikipe ya Borussia Dortmund mu mukino urabera I Wembley aho iyi kipe iraza gukina idafite Victor Wanyama wagize imvune cyo kimwe na N’koundo,Rose mu gihe Dele Alli yahagaritswe, mu gihe Dortmund idafite Durm, Schmelzer , Rode, Guerreiro, Subotić) na Bartra.

Imikino iteganyijwe kuri uyu wa gatatu
Itsinda E
Liverpool vs Sevilla
Maribor vs Spartak Moscow

Itsinda F
Shakhtar Donetsk vs Napoli
Feyenoord vs Manchester City

Itsinda G
FC Porto vs Besiktas
RB Leipzig vs As Monaco

Itsinda H
Tottenham vs Borussia Dortmund
Real Madrid vs APOEL

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Croatia yandagaje Lionel Messi na bagenzi be ibatera mpaga

Ikipe ya Croatia itsinze Argentine nk’aho itageze ku kibuga kuko iyinyagiye...
21 June 2018 Yasuwe: 738 0

Ikipe imwe rutoki niyo ifite umutoza w’ umwirabura mu gikombe cy’ Isi...

Umutoza Aliou Cissé w’ikipe ya Senegal Umutoza Aliou Cissé w’ikipe ya Senegal...
21 June 2018 Yasuwe: 1465 0

Rayon sports iherewe isomo rya ruhago I Rusizi, APR FC na AS Kigali...

Ikipe ya Rayon Sports itereye ibaba I Rusizi kuko yatsinzwe ibitego 2-0 mu...
21 June 2018 Yasuwe: 2079 0

Cristiano Ronaldo yatangaje impamvu atogoshe ubwanwa ku mukino wa...

Kabuhariwe Cristiano Ronaldo wagaragaye afite ubwanwa ku mukino wa Morocco...
21 June 2018 Yasuwe: 1930 0

Umukobwa ukunzwe cyane kurusha abandi mu gikombe cy’isi byavumbuwe ko akina...

Natalya Nemchinova wari umaze kwigarurira imitima y’abantu bari gukurikirana...
21 June 2018 Yasuwe: 2853 0

FIFA yaba iri kugambanira amakipe yo muri Afurika ari mu gikombe cy’Isi...

Nkuko mubizi mu gikombe cy’isi 2018 harimo gukoreshwa imisifurire...
21 June 2018 Yasuwe: 3126 0