Kuri uyu wa Kabiri taliki ya 15 Kanama 2017, nibwo Ishyirahamwe ry’umupira w’amaguru ku mugabane w’I Burayi UEFA rimaze gutangaza abakinnyi 3 bazatoranywamo uwahize abandi mu mwaka w’imikino ushize.
Ni mu muhango uteganyijwe ku italiki ya 24 Kanama 2017.Urutonde rugaragaraho umukinnyi Cristiano Ronaldo uhabwa amahirwe menshi,Gianluigui Buffon na Lionnel Messi. Igikorwa cyo gutoranya aba bakinnyi cyakozwe n’inzobere mu mupira w’amaguru zigizwe n’abatoza 80 cyane cyane abashoboye kugeza amakipe (...)

Sponsored Ad

Kuri uyu wa Kabiri taliki ya 15 Kanama 2017, nibwo Ishyirahamwe ry’umupira w’amaguru ku mugabane w’I Burayi UEFA rimaze gutangaza abakinnyi 3 bazatoranywamo uwahize abandi mu mwaka w’imikino ushize.

Ni mu muhango uteganyijwe ku italiki ya 24 Kanama 2017.Urutonde rugaragaraho umukinnyi Cristiano Ronaldo uhabwa amahirwe menshi,Gianluigui Buffon na Lionnel Messi.

Igikorwa cyo gutoranya aba bakinnyi cyakozwe n’inzobere mu mupira w’amaguru zigizwe n’abatoza 80 cyane cyane abashoboye kugeza amakipe yabo mu matsinda ya UEFA Champions League ya 2016/2017 na UEFA Europa League,abanyamakuru 55 batoranyijwe n’ishyirahamwe ry’ibitangazamakuru by’imikino I Burayi ESM (European Sports Media).

Umukinnyi wahize abandi I Burayi atorwa hagendewe uko yitwaye mu ikipe akinira mu marushanwa yose (club) no mu ikipe y’igihugu .

Amatora akorwa n’abatoza ndetse n’abanyamakuru bo ku mugabane w’I Burayi kandi nta mutoza uba wemereye gutora umukinnyi ukina mu ikipe atoza.
Messi na Ronaldo bamaze gutwara iki gikombe 2 kikurikiranya ahao abandi bakinnyi bashoboye gutwara iki gihembo ari Andres Iniesta na Frank Ribery.
Ku italiki ya 24 Kanama 2017 nibwo amakipe azashyirwa mu matsinda ya UEFA Champions League 2017/2018.

Ku italiki ya 25 Kanama , hazatangazwa umukinnyi witwaye neza mu mikino ya UEFA Europa League aho 3 bazatoranywamo uwabahize bose baturuka mu ikipe ya Manchester United abo ni Henrikh Mkhitaryan,Zlatan Ibrahimovic na Paul Pogba.

Abakinnyi bashoboye kuza mu 10 ba mbere bakurikira aba batatu

4. Luka Modric (Croatia, Real Madrid)
5. Toni Kroos (Germany, Real Madrid)
6. Paulo Dybala (Argentina, Juventus)
7. Sergio Ramos (Spain, Real Madrid)
8. Kylian Mbappe (France, Monaco)
9. Robert Lewandowski (Poland, Bayern Munchen)
10. Zlatan Ibrahimovic (Sweden, Manchester United).

Mu bakinnyi 10 bitwaye neza umwaka ushize ntihagaragaramo Neymar Jr na Luis Suarez bombi bakinnye muri Barcelona umwaka ushize.