Kigali

Uko amakipe yiyubatse ku munsi wa nyuma w’igura n’igurisha ry’abakinnyi i Burayi

Imikino   Yanditswe na: Dusingizimana Remy 3 September 2019 Yasuwe: 2878

Amakipe atandukanye yaraye yiyubatse ku munsi wa nyuma w’isoko ryo kugura no kugurisha abakinnyi aho PSG yaguze ku munota wa nyuma Mauro Icardi na Keylor Navas mu gihe Falcao yavuye muri Monaco ajya muri Galatasaray.

Mauro Icardi wari rutahizamu ukomeye muri Inter Milan,yiyunze kuri Neymar Jr,Mbappe,Cavani na Di Maria mu busatirizi bwa PSG aho yatijwemo umwaka umwe.Icardi azambara nimero 18 anahembwe miliyoni 8 z’amayero ku mwaka.

Mu ngingo amakipe yombi yumvikanye,harimo ivuga ko igihe Icardi yakwitwara neza PSG izishyura Inter Milan miliyoni 59 z’amapawundi.Iyi kipe kandi yasinyishije umunyezamu ukomeye Keylor Navas yakuye muri Real Madrid aho agomba gusimbura Buffon wasubiye muri Juventus na Areola waraye atijwe muri Real Madrid.

Navas wafashije Real Madrid gutwara UEFA Champions League 3 niwe ugiye kuba nimero ya mbere muri PSG.

Rutahizamu kabuhariwe Radamel Falcao yavuye muri Monaco yerekeza muri Galatasaray aho yagendeye Ubuntu ndetse asinyamo imyaka 3 azinjizamo miliyoni 4.5 z’amapawundi.

Rutahizamu wa Chelsea FC,Kenedy yatijwe mu ikipe ya Getafe umwaka umwe.
Juventus yaraye isinyishije rutahizamu w’imyaka 20, Han Kwang Song ukomoka muri Koreya y’amajyaruguru imukuye muri Cagliari.

Javier Hernadez uzwi nka Chicharito yavuye muri West Ham yerekeza mu ikipe ya Sevilla yamutanzeho miliyoni 8 z’amapawundi.

Rutahizamu ukomoka muri Croatia,Ante Rebic yavuye muri Eintracht Frankfurt yerekeza muri AC Milan ku ntizanyo y’imyaka 2 harimo ingingo yo kumugura.

Rutahizamu Fernando Llorente warangije amasezerano muri Tottenham,yerekeje mu ikipe ya Napoli ku buntu.

Mario Lemina wifujwe n’amakipe nka United,Arsenal n’ayandi yavuye muri Southampton yerekeza muri Garatasaray.

Rafinha Alcantara yongereye amasezerano y’umwaka umwe muri FC Barcelone ahita atizwa muri Celta Vigo.

Henrikh Mkhitaryan yatijwe umwaka umwe muri AS Roma avuye muri Arsenal we na Nikola Kalinic wavuye muri Atletico Madrid.

Abakinnyi batabashije kugurishwa no kugurwa kandi baravuzwe cyane ni Neymar Jr waheze muri PSG,Christian Eriksen wagumye muri Tottenham,Pogba wagumye muri Manchester United na Bruno Fernandes wagumye muri Sporting CP.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kimenyi Yves ashobora kudakina na Ethiopia kubera guhindura imyirondoro ava...

Umunyezamu wa mbere w’Amavubi Kimenyi Yves ashobora kugongwa n’ikibazo kimeze...
19 September 2019 Yasuwe: 587 0

UCL: Real Madrid yagaragaje ko igeze aharindimuka mu gihe Juventus...

Ishyamba si iryeru mu ikipe ya Real Madrid ikomeje kunyagirirwa mu...
19 September 2019 Yasuwe: 1064 0

Amavubi yakoreye ibitangaza mu mujyi wa Kinshasa yihimura kuri...

Ikipe y’igihugu Amavubi, y’abakina imbere mu gihugu, ijyanye muri Ethiopia...
18 September 2019 Yasuwe: 2199 0

Cristiano Ronaldo ari gushakisha bikomeye abakobwa bamuhaye umugati ashonje...

Rutahizamu Cristiano Ronaldo wa Juventus,ari gushaka bikomeye abakobwa...
18 September 2019 Yasuwe: 3795 0

KNC yavuze uburyo abakinnyi bazazana iby’amarozi mu mikino yose bazahuriramo...

Kakoza Nkurunziza Charles wamamaye ku izina rya KNC ukuriye ikipe ya Gasogi...
18 September 2019 Yasuwe: 2105 0

Mashami Vincent yatangaje abakinnyi 11 barahangana na RDC mu mukino wa...

Umutoza w’ikipe y’igihugu,Mashami Vincent,yamaze gutangaza abakinnyi 11...
18 September 2019 Yasuwe: 2220 1