Kigali

Uko urugendo rw’Amavubi muri CHAN 2018 ruteguye

Imikino   Yanditswe na: Nsanzimana Ernest 2 January 2018 Yasuwe: 665

Amavubi yerekeje muri Tuniziya mu mugi wa Sousse ku munsi w’ejo taliki ya 01 Mutarama 2018,mu mwiherero w’iminsi 10 wo kwitegura imikino ya CHAN 2018 izabera muri Maroc kuva taliki ya 12 Mutarama kugeza ku ya 04 Gashyantare 2018.

Amavubi ahanzwe amaso n’abanyarwanda benshi,agiye kwitabira iyi mikino ya CHAN nyuma y’aho yageze mu mikino ya ¼ cy’irangiza mu mikino iheruka kubera mu Rwanda aho yasezerewe na RDC ku bitego 2-1 mu mukino wasabye ko hitabazwa iminota 30 y’inyongera .

Muri Tuniziya,Amavubi azahakinira imikino 2 ya gicuti irimo uwa Sudan uteganyijwe ku wa Gatanu taliki ya 05 Mutarama 2018 ndetse n’uwa Algeria uzaba ku italiki ya 10 Mutarama 2018.

Amavubi ari mu itsinda C hamwe na Libya,Guinea Equatoriale na Nigeria ndetse imikino wa yose azayikinira kuri stade yitwa Ibn Batouta iherereye mu mugi wa Tangier yakira abantu ibihumbi 45.

Amavubi azagera muri Maroc taliki ya 13 Mutarama 2018 aho azahita atangira imyiteguro ya nyuma yo gucakirana na Nigeria taliki 15 Mutarama saa tatu n’igice z’ijoro.

Mbere yo guhaguruka I Kigali,umutoza Mashami Vincent wungirije yatangarije abanyamakuru ko intego bajyanye muri iyi mikino ari ukurenga amatsinda ndetse abakinnyi bafite ubushake bwo kwitwara neza cyane ko babonye imyiteguro ihagije.
Umukino wa 2 Amavubi azahura na Equatorial Guinea saa tatu n’igice ku I taliki ya 19 Mutarama 2018, mu gihe umukino wa nyuma mu matsinda,Amavubi azahura na Libya taliki ya 23 Mutarama 2018 saa tatu zuzuye.

Abakinnyi 23 Amavubi azakoresha mu mikino ya CHAN 2018
Abanyezamu: Kimenyi Yves (APR FC), Nzarora Marcel (Police FC) and Eric Ndayishimiye (Rayon Sports FC).

Ba myugariro: Rugwiro Herve (APR FC), Omborenga Fitina (APR FC), Celestin Ndayishimiye (Police FC), Manzi Thierry (Rayon Sports), Usengimana Faustin (Rayon Sports), Rutanga Eric (Rayon Sports), Kayumba Soter (AS Kigali), Iradukunda Eric (AS Kigali) na Mbogo Ally (SC Kiyovu).

Abo hagati: Bizimana Djihad (APR FC), Hakizimana Muhadjiri (APR FC), Nshimiyimana Amran (APR FC), Mukunzi Yannick (Rayon Sports), Manishimwe Djabel (Rayon Sports), na Niyonzima Ally (AS Kigali).

Abataha izamu: Mubumbyi Bernabe (Bugesera FC), Savio Nshuti Dominique (AS Kigali FC), Mico Justin (Police FC), Biramahire Abeddy (Police FC) na Nshuti Innocent (APR FC).

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sergio Ramos yabwiye amagambo akomeye abagereranya Mohamed Salah na...

Kapiteni w’ikipe ya Real Madrid Sergio Ramos yabwiye abantu bamaze iminsi...
26 May 2018 Yasuwe: 3135 0

Ronaldinho yanyomoje ibyo kurongora abakobwa babiri

Kabuhariwe Ronaldinho yatunguye isi yose ubwo yanyomozaga amakuru yo...
26 May 2018 Yasuwe: 1516 0

Byinshi ukwiriye kumenya kuri Livepool na Real Madrid zirakina uyu...

Umunsi wari utegerejwe na benshi wageze aho amakipe yahize ayandi mu...
26 May 2018 Yasuwe: 853 0

AS Kigali inyagiye Bugesera biyifasha gusatira APR FC

Ikipe ya AS Kigali igaragaje ko igifite gahunda yo guhanganira igikombe cya...
25 May 2018 Yasuwe: 1555 0

Reba amafoto ya bamwe mu bagore n’abakunzi b’abakinnyi ba Real Madrid na...

Ku munsi w’ejo nibwo kuri stade ya NSC Olimpiyskiy Stadium iherereye mu mugi...
25 May 2018 Yasuwe: 4727 1

Mayweather yongeye kwifotoza afite akayabo k’ amadolari umukobwa ari...

Kabuhariwe mu iteramakofe Floyd Mayweather yongeye kwereka isi yose ko ari...
25 May 2018 Yasuwe: 2049 0