Umugabo utamenyekanye amazina ari guca ibintu mu Bwongereza kubera amashusho yafashwe ari kwiba umupira abafana ba Leicester City basize bari kwibuka umuherwe wari waraguze ikipe yabo Vichai Srivaddhanaprabha,wapfiriye mu ndege ari kumwe n’abandi bantu 4 ku wa 27 Ukwakira 2018.

Sponsored Ad

Uyu mujura yagiye kuri ambasade ya Thailand mu Bwongereza afata uyu mupira abafana bahashyize bari kwibuka uyu muherwe,niko kuwushyira mu gikapu yari afite.

Iki gisambo kitagira umutima cyaciye ibintu ku mbuga nkoranyambaga,kubera aya mahano cyakoze ndetse benshi bacyifatiye ku gahanga baragituka karahava.

Iki gisambo cyafashwe amashusho ku wa Mbere w’iki Cyumweru none yakwirakwijwe ku mbuga nkoranyambaga cyane ko uyu mupira na furari byari byashizwe kuri ambasade n’umufana wari wasizeho n’urwandiko rwifuriza iruhuko ridashira uyu muherwe.

Vichai Srivaddhanaprabha waguze Leicester mu mwaka wa 2010,yapfiriye mu ndege ari kumwe n’umu pilote witwa Eric Swaffer n’umwungiriza we ndetse akaba umukinzi we Izabela Lechowicz, n’abakozi ba Vichai barimo Nusara Suknamai na Kaveporn Punpare.