Umugore n’umugabo bahanutse ku rukuta rwa metero 30 ubwo bashakaga kwifata Selfie barapfa
Yanditswe: Wednesday 13, Jun 2018
Umugore n’umugabo we bari basohokeye ku mucanga wo muri Portugal,bashatse kwifata selfie bari kumwe bahagaze ku rukuta rurerure rwo kuri uyu mucanga barahanuka bikubita hasi bahita bapfa.
Ubwo aba bombi bagiraga igitekerezo cyo kwifata Selfie,batekereje kwifotoreza ahantu hatuma uyu mucanga wose ugaragara mu ifoto niko kurira uru rukuta bajya hejuru bahageze barahanuka bikuta hasi,umwuka urahera.
Uyu mugabo ukomoka muri Australia n’umugore we w’umwongereza bahanutse kuri iki gikuta cya metero 30,ubwo telefoni yacikaga umwe muri bo agashaka kuyifata bigatuma agusha mugenzi we.
Ushinzwe isuku kuri uyu mucanga witwa Pescadores beach ukurura ba mukerarugendo benshi muri Portugal,niwe wabonye imirambo y’aba ba mukerarugendo ahita abimenyesha polisi.
Uyu mucanga aba ba mukerarugendo bapfiriyeho uri ku birometero 30 uvuye mu mujyi wa Lisbon aho aba bombi bapfuye mu masaha y’urukerera.
Leave a Reply
Your email address will not be published. Required fields are marked *