Kigali

Umugore wa Rooney yaciye ibintu ku isi kubera icyemezo gikarishye yamuteye gufata

Imikino   Yanditswe na: Dusingizimana Remy 6 August 2019 Yasuwe: 7368

Umugore wa Wayne Rooney wari umaze kurambirwa imyitwarire y’umugabo we muri USA irimo ubusinzi bukabije,gusohokana n’abakobwa mu tubari n’ibindi,yamaze kumutegeka ko bagaruka iwabo mu Bwongereza arabyubahiriza.

Mu ijoro ryakeye nibwo Rooney wakinaga mu ikipe ya DC United muri USA yafashe indege agaruka mu Bwongereza kuvugana n’ikipe ya Derby County kugira ngo ayibere umukinnyi n’umutoza nyuma yo kubisabwa n’umugore we Coleen.

Rooney wari wasinyiye DC United amasezerano y’imyaka 3,yemeye kuyivamo nyuma y’amezi 13 gusa kubera igitutu cy’uyu mugore we wamubwiye ko natabikora barahita batandukana.

Coleen yari amaze iminsi agarutse mu Bwongereza we n’abahungu be bane ndetse yarabwiye umugabo we Rooney ko atazasubira muri USA ukundi ariyo mpamvu uyu mugabo yemeye kugabanya amarere arahamusanga.

Coleen ukunda kuba hafi y’umuryango we yamaze kwandikisha abana be bose mu mashuri yo mu Bwongereza ndetse bagomba gutangira kwiga muri Nzeri.Benshi mu bakunzi b’uyu mugore bavuze ko iki ari igitego gikomeye yatsinze umugabo we wari umaze kunanirana kubera umusemburo.

Rooney yahembwaga ibihumbi 85 by’amapawundi buri cyumweru mu ikipe ya DC United ndetse kuri ubu yemeye kugabanya umushahara kugira ngo yerekeze muri Derby County.

Umwe mu bantu ba hafi ba Coleen yabwiye Daily Mail ati “Coleen niwe watumye Rooney ava muri USA.Ntiyigeze yishimira kuba muri USA ndetse yananiwe kwakira kuhaba ariyo mpamvu yabonye ko ari byiza ko bagaruka mu rugo.Yashinze amaguru ye hasi abwira Wayne ko ashaka ko abana be biga mu Bwongereza hafi y’umuryango we.”



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ku rutonde rw’abakinnyi 10 ba mbere beza b’ikinyejana cya 21,Lionel Messi...

Umunya-Argentine Lionel Andres Messi ukinira FC Barcelona yo mu gihugu cya...
21 October 2019 Yasuwe: 1309 0

Abakinnyi 30 bazavamo uwegukana Ballon d’Or bamaze kumenyekana

Muri uyu mugoroba wo kuri uyu wa Mbere taliki ya 21 Ukwakira...
21 October 2019 Yasuwe: 1430 0

Umugabo wagenderaga mu mutaka yaparitse mu kibuga rwagati ahagarika umukino...

Umugabo utavuzwe amazina yakoze amahano amanukira mu mutaka [parachute]...
21 October 2019 Yasuwe: 3329 0

Musanze FC yahaye umutoza wayo umukoro ukomeye kugira ngo atabare akazi ke...

Umutoza wa Musanze FC Amars Niyongabo yabwiwe ko natabona amanota 7 mu...
21 October 2019 Yasuwe: 1101 0

Rayon Sports yahanitse ibiciro byo kwinjira ku mukino izakiramo Bugesera...

Ikipe ya Rayon Sports yamaze gushyira ahagaragara ibiciro byo kwinjira ku...
21 October 2019 Yasuwe: 2459 0

Sugira Ernest yatangaje impamvu yitwara neza mu ikipe y’igihugu kurusha muri...

Rutahizamu Sugira Ernest ukomeje kwigarurira imitima y’abakunzi ba ruhago...
21 October 2019 Yasuwe: 2330 0