Umugore witwa Laura Watson ukomoka mu Bwongereza yatangaje ko yananiwe gusinzira nyuma yo gufotora umwana we w’umuhungu ifoto akabona umuzimu umuri inyuma muri iyo foto kandi ayifotora ntawo yabonaga.

Sponsored Ad

Uyu mubyeyi akimara gufotora iyi foto,yarayirebye abona hari umwana muto uri inyuma y’uyu muhungu we ndetse ajya kubaza abashinzwe ubusitani bari basohokeyemo niba nta mwana wahinjiye barabihakana,byatumye abura ibitotsi.

Watson yavuze ko atigeze yizera amaso ye byatumye ajya gushaka abahanga mu byerekeye amafoto bamubwira ko inyuma y’ umwana we hari undi muntu abona kubyemera.

Yagize ati “Byari ibintu bitumvikana ndetse buri wese muri twe yaratunguwe.Njye n’umukobwa wanjye ntabwo twagiye kuryama kuko twari dufite ubwoba.

Uyu Watson yari yasohokanye n’umuryango we Kuwa mbere w’icyumweru gishize mu ishyamba rya Plessey Woods Country Park riherereye ahitwa Northumberland mu Bwongereza,mu mafoto bafotoye umuhungu we Byrin hagaragaye iyo umuzimu w’umwana utazwi umuri inyuma.