Umuherwe witwa Mohammad Bin Salman usanzwe ari igikomangoma cya Saudi Arabia yamaze gutanga akayabo ka miliyari 3 n’ibihumbi 800 by’amadolari kugira ngo agure ikipe ya Manchester United ifitwe n’abaherwe bo muri USA bazwi nka Family Glazer.

Sponsored Ad

Iki gikomangoma gisanzwe gitunze akayabo ka miliyari 850 z’amapawundi,cyafashe umwanzuro wo kumena ku meza aka kayabo kugira ngo uyu muryango w’Abanyamerika ushiduke ndetse ntuzuyaze kugurisha Manchester United.

Ubusanzwe Family Glazer bakomeye kuri Manchester United ariko ii gikomangoma cya Saudi Arabia cyifuje kubaha amafaranga menshi batabasha kwanga kugira ngo kigure iyi kipe y’ikigugu mu Bwongereza.

Umuryango w’aba Glazer baguze Manchester United akayabo ka miliyoni 790 z’amapawundi ariko bahawe miliyari 3 z’amapawundi kugira ngo agure iyi kipe ikomeye mu bwongereza.

Impamvu ikomeye yatumye igikomangoma Mohammad Bin Salman,ni ukugira ngo ihangamure Manchester City yaguzwe n’umuherwe Sheikh Mansour bahora bahanganye.

Salman arifuza gushora akayabo muri Manchester United kugira ngo yongere kwigaranzura Manchester City yayigaruriye muri iyi minsi bitewe ahanini n’agafaranga k’uyu muherwe ukomoka, Abu Dhabi, Mansour.

Benshi bemeje ko aba banyamerika bataravirira aya mafaranga ameze nk’imvura bari guhabwa na Salman cyane ko muri iyi minsi basigaye bagenda biguruntege ku isoko ryo kugura abakinnyi.

Mohammad Bin Salman arashaka kugura Manchester United kuri Family Glazer