Umuherwe wa mbere mu Bwongereza witwa Sir Jim Ratcliffe yamaze gutangaza ko yifuza kugura ikipe ya Chelsea FC akayambura Roman Abrahimovich uyimaranye igihe kinini.

Sponsored Ad

Sir Jim Ratcliffe utunze inganda,n’ibindi bikorwa bitandukanye yamaze gutangaza ko yifuza kugura Chelsea ndetse ahita ashyira ku meza ya Roman Abramovic akayabo ka miliyari zirenga 2 kugira ngo ayimwegurire.

Uyu mugabo w’imyaka 66 niwe mirenge mu Bwongereza, kuko nta muntu umurusha amafranga muri iki gihugu, ariyo mpamvu yatangiye gushora amafaranga muri siporo ahereye ku ikipe ya SKY ikina umukino wo gusiganwa ku magare ndetse ngo byanze bikunze harakurikiraho Chelsea.

Ratcliffe yavukiye Failsworth muri Lancashire mu Bwongereza yiga muri kaminuza ya Birmingham yakuyemo impamyabumenyi ya chemical engineering.

Yize kandi muri London Business School,ibijyanye n’icungamutungo ahavana impamyabumenyi mu mwaka wa 1980.

Ratcliffe aherutse gutangaza ko nubwo agura itike y’umwaka yo kureba Chelsea FC,yakuze yifanira Manchester United.

Mu mwaka wa 1998 nibwo yashinze kompanyi ya Ineos ikora amavuta ashyirwa mu binyabiziga,ikagurisha ibyokurya,ikora ibikoresho by’ubwubatsi ndetse ikora ibindi bitandukanye nka Gas,acid,plastike n’ibindi bitandukanye abantu bakenera buri munsi.

Iyi kompanyi ya INEOS ikorera akayabo ka miliyari nyinshi ku mwaka iri mu zikomeye nubwo nyirayo avuga ko bakora ibintu bidakurura abantu cyane ariko byinjiza menshi.

Abongereza benshi bahanze amaso Roman Abramovich kugira ngo barebe ko agurisha Chelsea yaguze muri 2003 miliyoni 140 z’amapawundi akaba ashobora kuyibonamo asaga miliyari 3.

Sir Ratcliffe arashaka guha akayabo Roman Abramovich ngo amugurishe Chelsea FC