Kigali

Umukinnyi ukomeye muri Brazil yasanzwe mu muhanda yishwe

Imikino   Yanditswe na: Dusingizimana Remy 25 April 2019 Yasuwe: 3133

Uwahoze ari umukinnyi ukomeye witwa Valdiram Caetano w’imyaka 36 wakinnye mu makipe 26 mu myaka 17 yamaze akina ruhago muri Brazil,yasanzwe ku muhanda yishwe n’abantu bataramenyekana.

Uyu rutahizamu wakinannye n’ibyamamare bitandukanye birimo Romario,yari umukene bikabije kuko atagiraga aho kuba ariyo mpamvu yasanzwe ku muhanda yishwe.

Valdiram wamamaye cyane mu ikipe ya Vasco da Gama,yiciwe mu gace ka Santana gaherereye mu mujyi wa Sao Paulo kuwa Gatandatu w’icyumweru gishize.

Valdiram ntabwo ari izina ryoroshye mu mupira w’amaguru muri Brazil kuko muri 2006 yatsinze ibitego byinshi mu irushanwa rya Copa do Brasil ubwo yakinanaga na Romario muri Vasco da Gama.

Kubera ko abanya Brazil bameze nk’abanyafurika bamwe na bamwe, Valdiram yasigin’ibinyamakuru bituma yishora mu businzi n’ibiyobyabwenge ntiyibuka kwizigamira ariyo mpamvu yabuze aho atura yigira ku muhanda.

Valdiram yasinye muri Vasco da Gama mu mwaka wa 2006 atsinda ibitego 14 mu mikino 32 ndetse atsinda ibitego 7 muri Copa do Brasil y’uyu mwaka,bituma atangira gusuzugura ubuyobozi ndetse atangira gusiba imyitozo uko yishakiye.

Vasco da Gama yafatiye ibihano Valdiram birimo kumwirukana,atangira kuzenguruka amakipe anyuranye arimo n’ayo muri Qatar n’ahandi gusa birangiye agiye kuba ku muhanda.

Valdiram wari umaze imyaka 10 yose arwana no gucika ku ngeso yo kunywa ibiyobyabwenge byari byaramwokamye,yishwe n’abagizi ba nabi bituma polisi itangira iperereza ryafashe abagabo 3 ijya kubahata ibibazo,umwe aba umwere.

Umurambo we wahise ujyanwa mu bitaro byo mu mujyi wa Sao Paolo kugira ngo usuzumwe icyamuhitanye,kuwa Gatandatu w’icyumweru gishize.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yafashe umwanzuro ukomeye nyuma yo kwitwara nabi mu gikombe...

Rayon Sports yagaragaje urwego rwo hasi mu irushanwa ry’Agaciro yaraye...
16 September 2019 Yasuwe: 4407 0

Cristiano Ronaldo yavuze amagambo atangaje ku mukunzi we bikora benshi ku...

Rutahizamu Cristiano Ronaldo waraye agiranye ikiganiro cyaciye ibintu...
16 September 2019 Yasuwe: 3809 0

Rayon Sports yo turayihotora,mu kuri kw’Imana isumba byose irapfa-KNC...

Umuyobozi wa Gasogi United,Kakoza Nkuriza Charles uzwi nka KNC, yatangaje...
16 September 2019 Yasuwe: 3715 0

Reba amagambo umukinnyi wa Rayon Sports Rutanga Eric yabwiye umusifuzi ku...

Myugariro wa Rayon Sports wo ku ruhande rw’ibumoso akaba na kapiteni w’iyi...
16 September 2019 Yasuwe: 5398 0

Cristiano Ronaldo yaririye kuri TV kubera amashusho ya se yabonye ku nshuro...

Rutahizamu Cristiano Ronaldo yarize cyane ubwo umunyamakuru Piers Morgan...
16 September 2019 Yasuwe: 5748 0

Rayon Sports izacakirana na Gasogi,APR FC na AS Kigali ku mukino w’umunsi wa...

Ikipe ya Rayon Sports izatangira shampiyona icakirana na Gasogi FC...
16 September 2019 Yasuwe: 1172 0