Rafael Nadal umenyerewe mu mukino wa Tennis ndetse akaba ari umufana ukomeye wa Real Madrid yafashije iyi kipe gusinyisha umusore Marco Asensio ubwo iyi kipe yamukuraga muri Mallorca mu mwaka wa 2014.
Iyi kipe yari ihanganiye na Barcelona ku gusinyisha uyu mukinnyi yabonye bitari buyorohere ku mubona ihitamo gukoresha iki gihangange mu mukino wa Tennis ngo kibafashe kuvugana na nyirarume Miguel Angel wahoze ashinzwe imikino muri Mallorca wigeze gukinira Barcelona.
Mu kiganiro perezida (...)

Sponsored Ad

Rafael Nadal umenyerewe mu mukino wa Tennis ndetse akaba ari umufana ukomeye wa Real Madrid yafashije iyi kipe gusinyisha umusore Marco Asensio ubwo iyi kipe yamukuraga muri Mallorca mu mwaka wa 2014.

Iyi kipe yari ihanganiye na Barcelona ku gusinyisha uyu mukinnyi yabonye bitari buyorohere ku mubona ihitamo gukoresha iki gihangange mu mukino wa Tennis ngo kibafashe kuvugana na nyirarume Miguel Angel wahoze ashinzwe imikino muri Mallorca wigeze gukinira Barcelona.

Mu kiganiro perezida wa Real Madrid aherutse kugirana n’ikinyamakuru Onda Cero yemeje aya makuru ndetse avuga ko Nadal yagize uruhare runini mu gufasha Real gusinyisha uyu musore wigaragaje mu mwaka w’imikino ushize.

Yagize ati “Nahamagaye Rafa Nadal musaba ko yavugana na nyirarume Miguel Angel wari ushinzwe imikino muri Mallorca akamubwira ko dukeneye kugura Asensio.Yabikoze neza ndetse duhita twumvikana ".

Ikigaragaza imbaraga Nadal yakoresheje ni uko uyu mugabo Miguel Angel yahoze akinira Barcelona kandi nayo yarifuzaga gusinyisha Asensio.Kuba yarasinyiye Real Madrid n’ingufu zashyizwemo ni uyu musore uherutse gutwara igikombe cya 10 cya Roland Garros irushanwa rikuru muri 4 akomeye muri Tennis.