Kigali

Umunyarwanda usiganwa ku magare yakoze impanuka ikomeye

Imikino   Yanditswe na: Dusingizimana Remmy 29 July 2017 Yasuwe: 1843

Hakizimana Seth ukina mu ikipe ya Les Amis Sportifs yakoze impanuka ikomeye ku munsi w’ejo taliki ya 28 Nyakanga, ubwo yari mu myitozo yo kwitegura imikino ya Rwanda Cycling Cup aho yahise ajyanwa mu bitaro by’I Gahini.

Nyuma ya Ingabire Beathe wakoze impanuka mu kwezi gushize agakuka amenyo, uyu Hakizimana Seth yaje guhura n’impanuka ikomeye ubwo bari batangiye kwitoza ibijyanye no gusatira (Attack), maze ahita agonga ibuye ryari mu muhanda maze yitura hasi arakomereka cyane.

Amakuru dukesha ikinyamakuru Ruhagoyacu nayo yatangarijwe na Valens Ndayisenga uzwi cyane hano mu Rwanda muri uyu mukino wo gusiganwa ku magare ni uko nyuma yo gukora iyi mpanuka uyu musore yahise ajyanwa kwa muganga ku bitaro by’i Gahini, aho arimo gukurikiranwa ngo barebe uko ameze mu kanwa.

Ndayisenga Valens yagize ati “Ni ko byagenze. Sinzi ibiri kutubaho. Araho ari ku bitaro i Gahini. Bari kumukurikirana ku bijyanye n’amenyo. Yakomeretse ku mubiri bisanzwe, banamudoze ku munwa.”

Icyateye iyi mpanuka ngo ni umuhanda utameze neza bitorezagamo aho uyu musore yari afite umuvuduko akagonga iri buye.

Ingabire Beatha we uheruka gukora impanuka arimo gukira aho byitezwe ko ashobora gutangira imyitozo taliki ya mbere Kanama yo kwitegura Rwanda Cycling Cup izaba ku italiki ya 12 Kanama uyu mwaka.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ifoto ya Cristiano Ronaldo ari kumwe n’umukunzi we uherutse kumubyarira...

• Nyuma yo kunyagira APOEL Ronaldo yahise ajya kuryoshya n’umukunzi we •...
23 November 2017 Yasuwe: 1068 1

Jimmy Mulisa yavuze ko rutahizamu we afite ikibazo cyo mu mutwe

• Jimmy Mulisa yabwiye itangazamakuru ko Issa afite ikibazo cyo mu mutwe •...
23 November 2017 Yasuwe: 1109 0

Umutoza wa Sevilla yahishuye impamvu ikomeye yatumye ikipe ye yishyura...

• Eduardo Berizzo utoza sevilla yatangaje ko kubwira abakinnyi be ko arwaye...
23 November 2017 Yasuwe: 300 0

Abasifuzi ntiborohewe n’abafana ku munsi wa 7 wa shampiyona y’u...

• Abafana b’amakipe yo mu ntara barinumira imisifurire iri gukorerwa amakipe...
23 November 2017 Yasuwe: 517 0

APR FC na Police FC zinaniwe kwisobanura ,Kiyovu ihita iyobora urutonde rwa...

• APR FC na Police banganyije 0-0 baha umwanya Kiyovu sports • Kiyovu Sports...
22 November 2017 Yasuwe: 444 0

Bale ayoboye urutonde rw’abakinnyi bagiye kwerekwa umuryango muri Real...

• Muri Real Madrid umweyo uri hafi • Zidane yatanze urutonde rw’abakinnyi 8...
22 November 2017 Yasuwe: 1445 0