Nubwo bimaze kumenyerwa ko abanyakenya n’ abanyakenyakazi aribo biharira ibikombe n’ imidari mu masiganwa yo kwiruka, mu isiganwa ku maguru rwa Kigali ryitiriwe amahoro (Kigali Peace Marathon), Umunyarwandakazi Nyirarukundo Salome yatunguye abatari bake yegukana umwanya wa mbere mu bagore.
Iryo siganwa ryabaye kuri iki Cyumweru tariki 21 Gicurasi 2017, rikaba ryitabiriwe na Madamu wa Perezida w’ u Rwanda Jeannette Kagame na mugenzi we wa Kenya.
Nyirarukundo Salome wari wabaye uwa kabiri (...)

Sponsored Ad

Nubwo bimaze kumenyerwa ko abanyakenya n’ abanyakenyakazi aribo biharira ibikombe n’ imidari mu masiganwa yo kwiruka, mu isiganwa ku maguru rwa Kigali ryitiriwe amahoro (Kigali Peace Marathon), Umunyarwandakazi Nyirarukundo Salome yatunguye abatari bake yegukana umwanya wa mbere mu bagore.

Iryo siganwa ryabaye kuri iki Cyumweru tariki 21 Gicurasi 2017, rikaba ryitabiriwe na Madamu wa Perezida w’ u Rwanda Jeannette Kagame na mugenzi we wa Kenya.

Nyirarukundo Salome wari wabaye uwa kabiri umwaka ushize yaje ku mwanya wa mbere mu gice cya Marathon kireshya na Kilometero 21, akoresheje isaha 1, iminota 15 n’amasegonda 28.

Iri siganwa ryaberaga mu Rwanda ku nshuro ya 13, ryitabiriwe n’abantu 5876, barimo 3050 birukanse byo kwishimisha (run for Peace), 874 birukanse Marathon yuzuye na 1952 birukanse igice cya Marathon

Uwabaye uwa mbere muri Marathon yuzuye yahembwe Milioni 2Frws, uwa kabiri 1,600,00Frws, uwa gatatu 1,400,000Frws mu bagabo no mu bagore, naho mu gice cya Marathon uwa mbere ahembwa 1,000,000Frws, uwa kabiri 700,000Frws, uwa gatatu 500,000Frws.

Mu isiganwa ry’uyu munsi, Madame wa Perezida wa Republika y’u Rwanda na Madame wa Perezida wa Kenya bifatanyije n’abandi muri iri siganwa, aho bakoze Kilometero 9.6 mu gihe byari biteganyijwe ko baza gukora Kilometero 7.

Abagiye bitwara neza muri buri cyiciro
Abagabo

Full Marathon (42kms)
1. Chumba Gilbert Kipleting (Kenya)
2. Kiyeng Edwin Kemboi
3. Tallam James
4. Tarus David Kiptui
5. Elkana Kibet Yego
6. Kiptoo Mathew

Half Marathon (21kms)

1. Kipoech Batille Bartile Kiptoo
2. Mutal Ezecheil Kimeli
3. Hakizimana John
4. Bowen Josphat Kipchirchir
5. Niyonsaba Ferdinand
6. Kemei Moses Kipnaetich

Abagore

Full Marathon (42kms)

1. Rutto Beatrice Jepkorir
2. Bundotich Pamela Chepkoech
3. Sarah Jerop Legat
4. Too Fridah Jepkite Lodep
5. Sylvia Jemeli
6. Chebert Tenyan

Half Marathon (21kms)

1. Nyirarukundo Salome
2. Sheilla Chesang
3. Musakakindi Claudette
4. Yankurije Martha
5. Kiprop Lilian Jeoksgei
6. Eleman Ziporar Narunyang