Kigali

Umunyezamu Bashunga Abouba yatewe n’abagizi ba nabi nyuma yo gutsindwa na APR FC

Imikino   Yanditswe na: Dusingizimana Remy 13 December 2018 Yasuwe: 3438

Umunyezamu w’ikipe ya Rayon Sports,Bashunga Abouba yatewe n’abagizi ba nabi batanu,batera amabuye menshi ku nzu ye ,bamena ibirahure 2,gusa ku bw’amahirwe nta muntu mu bagize umuryango we wahakomerekeye.

Uyu munyezamu washinjwe n’abakunzi ba Rayon Sports kubatsindisha ibitego 2 baraye batsinzwe na APR FC,bamwe muri bo bateye urugo rwe saa munani z’ijoro, batera amabuye menshi ku nzu ye bagamije kumugirira nabi ariko Imana ikinga ukuboko

Amakuru agera ku Umuryango ni uko aba bafana bari bariye karungu batishimiye uyu munyezamu Bashunga utahiriwe n’umukino wo ku munsi w’ejo,kuko yagize uruhare mu bitego 2-1 batsinzwe na APR FC, harimo icyo ku munota wa nyuma cyashenguye bikomeye aba bafana niko kujya ku rugo rwe , bamena ibirahure 2 by’inzu nyuma y’amabuye menshi bateye, ariko ku bw’amahirwe nta muntu wahakomerekeye.

Bashunga usanzwe azwiho gukunda Rayon Sports bikomeye,yarayitangiye ubwo yari ikeneye umunyezamu ku buryo bukomeye mu mikino ya CAF Confederations Cup areka umushahara mwiza yahabwaga na Bandari FC aza kuyikinira ariko abafana bayo ntibabihaye agaciro bateye urugo rwe bashaka kumugirira nabi kubera ko atahiriwe n’umukino wa 8 wa shampiyona batsinzwemo na APR FC y’abakinnyi 10.

Nyuma y’umukino,Bashunga yasabye imbabazi abakunzi ba Rayon Sports kuba atabashije kubafasha gutsinda ndetse avuga ko ku gitego cya kabiri yasohotse cyane kubera ko ikipe yasatiraga,bituma Rusheshangonga amuroba.

Yagize ati "Bsr mbandikiye mbasaba imbabazi pe nanjye ndaye nabi birenze uko mubyumva pe gsa mumbabarire nagize pressure yo gushaka gutsinda pe nigira imbere numvaga bitashoboka gusa sinabona uko mbasobanurira pe mumbabarire kbs ndabasabye pe twishimanye ibihise munambabarire kuba mbaraje nabi very sorry nabari kuntuka ndabumva gusa sorry".



Bashunga ntiyahiriwe n’umukino w’umunsi wa 8 wa shampiyona kuko yatewe n’abagizi ba nabi

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble KIKI

    ABANTU bakoze ibi ndabagaye cyane ,bagomba kumenya ko biriya bibaho kandi ndabona atari aba sportif.kuko gutsindwa ntago bivuze ko championa irangiye ,ahubwo dukwiriye gukora cyane kugirango turusheho gutsinda indi mikino isigaye.bashunga nawe ntago yanze ibirori cyangwa ibyishimo iyo aza gusinda cyangwa tukaganana amanota rero ntimuzongere uwo muco ni mubi

    December 2018
  • chat_bubble mazina

    Football ni nzinza kandi ni mbi.Urugero,hari abantu biyahura kubera Football.Tekereza ibihumbi by’aba Rayons baraye badasinziriye.Ntitukagire Umupira Ikigirwa-Mana.Ngirango mujya mubona Abakinnyi ukuntu basenga mu kibuga.Biriya nyacyo bivuze.Ntabwo Messi na Ronaldo batsinda kubera gusenga.Ahubwo batsinda kubera "ubuhanga".Ikindi kandi,ntabwo Imana yumva abantu bose basenga.Iyo ukora ibyo itubuza,urugero gusambana,ntabwo Imana ikumva.Soma Yohana 9:31.Kandi birazwi ko Abakinnyi hafi ya bose basambana,kubera ko abakobwa babakunda ngo ni aba Stars.
    Niba dushaka ko imana yumva amasengesho yacu,twe guheranwa n’ibyisi gusa,ahubwo dushake cyane ubwami bw’imana nkuko Yesu yasize abidusabye muli Matayo 6:33.

    December 2018
  • chat_bubble Titi

    Kuva Bashunga yagera mu izamu rya Rayon kuba inatsinda biratangaje kuko arikurura nta quality or acrobatic ability of goalkeeper yigirira judgement ze iyo umupira uje ziratangaje muzongere murebe neza Match ya Enyimba iya Kiyovu none Apr
    Igihagararo cg kwirebesha igitsure ntibikora mu kibuga Rayon ihise ibura igikombe n’ibifaranga yakoresheje

    December 2018

Inzindi nkuru

Umukinnyi Henrikh Mkhitaryan yashyingiranywe n’umukunzi we mu bukwe bakoreye...

Umukinnyi ukina asatira mu ikipe ya Arsenal, Henrikh Mkhitaryan...
18 June 2019 Yasuwe: 1901 0

Rutahizamu w’umunya Autriche yavunitse imvune yateye ubwoba benshi mu...

Rutahizamu w’ikipe y’igihugu cya Autriche y’abatarengeje imyaka 21 witwa...
18 June 2019 Yasuwe: 4229 0

FC Barcelona yahaye PSG abakinnyi 3 bakomeye ndetse na miliyoni 100...

Ikipe ya FC Barcelona yarahiriye kongera kwisubiza Neymar aho yafashe...
18 June 2019 Yasuwe: 3231 0

Maurizio Sarri uherutse kuva muri Chelsea yarahiriye kuyisahura abakinnyi...

Umutoza mushya wa Juventus, Maurizio Sarri, arifuza gusahura ikipe ya...
18 June 2019 Yasuwe: 3224 0

Bashunga Abouba nawe yatandukanye n’ikipe ya Rayon Sports

Umunyezamu Bashunga Abouba yamaze kumvikana n’ubuyobozi bw’ikipe ya Rayon...
18 June 2019 Yasuwe: 2566 1

Myugariro Magwende n’umukunzi we bibarutse umwana wabo w’imfura[AMAFOTO]

Myugariro wo ku ruhande rw’ibumoso muri APR FC n’Ikipe y’Igihugu Amavubi,...
17 June 2019 Yasuwe: 3916 1