Kigali

Umushoferi wari utwaye minibus yarimo abakinnyi bakomeye yasinziriye atuma ikora impanuka yahitanye umwe

Imikino   Yanditswe na: Dusingizimana Remy 29 April 2019 Yasuwe: 7478

Abakinnyi barindwi b’ikipe ya Alanyaspor yo mu cyiciro cya mbere muri Turkia, isanzwe ikinamo abakinnyi bazwi nka Papi Cisse wakinnye muri Newcastle,Steven Caulker wakinnye muri QPR na Liverpool n’abandi baraye bakoze impanuka yahitanye umukinnyi umwe,abandi batandatu barakomereka kugeza na nubu baracyari mu bitaro.

Umushoferi wari utwaye imodoka yarimo aba bakinnyi b’ikipe ya Alanyaspor ikina mu cyiciro cya mbere muri turkia yasinziriye atuma ikora impanuka yatumye benshi mu bakinnyi bakomereka mu gihe umunya Czech Repubulic witwa Josef Šural yahasize ubuzima.

Kuri iki cyumweru,ubwo ikipe ya Aytemiz Alanyaspor yari imaze kunganya igitego 1-1 na Kayserispor na mu cyiciro cya mbere muri Turkia,abakinnyi barindwi buriye minibus bari bakodesheje,bageze mu nzira iyi modoka ikora impanuka kubera ko abashoferi bayo bombi basinziriye icyarimwe,bituma rutahizamu Josef Šural w’imyaka 28 ahasiga ubuzima.

Šural wahamagawe mu ikipe ya Czech Republic inshuro 20 agatsinda igitego kimwe,yahise ajyanwa mu bitaro byo hafi y’aho iyi minibus yakoreye impanuka ,akorerwa operation itagize icyo imara kuko byarangiye atabarutse.

Abandi bakinnyi bari muri bisi y’ikipe ,barokotse iyi mpanuka ndetse batinze kumenya amakuru ya bagenzi babo bari bakodesheje iyi minibus.

Umuyobozi wa Alanyaspor, Hasan Çavuşoğlu, yavuze ko abashoferi babiri b’iyi minibus basinziriye rimwe,iyi modoka iritwara kugeza ikoze impanuka.

Yagize ati “Amakuru nahawe na polisi n’uko iyi modoka yari itwawe n’abashoferi babiri ariko basinziriye icyarimwe bituma ikora impanuka.”

Aba bashoferi bombi bahise batabwa muri yombi ndetse Cisse na Caulker cyo kimwe na bagenzi babo 5 bari muri iyi modoka bakomeretse bajyanwa kwa muganga.

Nyakwigendera Šural yasize umugore n’abana be babiri nyuma yo guhitanwa n’iyi mpanuka yabaye habura ibirometero bisaga 3 ngo bagere mu mujyi wa Alanya.

Abakinnyi barimo Petr Cech,Tomasz Rosicky n’abandi bakinannye nawe bihanganishije umuryango we.

Uretse Cisse na Caulker bakomerekeye muri iyi mpanuka ya minibus ya VIP bari bakodesheje,abandi bakinnyi bakomeretse ni Djalma Campos, Baiano, Welinton na Isaac Sackey wavunitse ukuboko.




Nyakwigendera Sural wahitanwe n’impanuka ya Minibus

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble DUDU

    Yoooo! Imana imwakire mu bayo

    5 months ago

Inzindi nkuru

Byarangiye Bugesera FC yemeye gukina na Rayon Sports saa kumi...

Mu nama yahuje abayobozi ba FERWAFA n’abayobozi b’amakipe ya Bugesera FC na...
18 October 2019 Yasuwe: 2363 0

Rayon Sports yasinyanye amasezerano y’imikoranire na Bank of Africa igiye...

Ubuyobozi bw’ikipe ya Rayon Sports bwasinyanye amasezerano y’imikoranire na...
18 October 2019 Yasuwe: 3143 0

Mashami Vincent yaciye amarenga y’abakinnyi 11 ashobora gukoresha ahangana...

Umutoza Mashami Vincent w’ikipe y’igihugu Amavubi n’abamwungirije basoje...
18 October 2019 Yasuwe: 2849 0

Umutoza wa Ethiopia yamenye ibanga rizamufasha gutsindira Amavubi I...

Umutoza wa Ethiopia Abraham Mebratu, yavuze ko afitiye icyizere ikipe ye...
18 October 2019 Yasuwe: 2098 0

Umukino wa El Clasico wasubitswe kubera gutinya imyigaragambyo yo mu mujyi...

Umukino ukomeye wa Barcelona na Real Madrid wari uteganyijwe kuba kuwa 26...
18 October 2019 Yasuwe: 1165 0

Uruganda rukora sima Nyarwanda rugiye gutuma inzozi z’abana bamamaye nka...

Ubuyobozi bw’uruganda rukora sima Nyarwanda rwa Cimerwa, bwatangaje ko...
18 October 2019 Yasuwe: 2155 0