Kigali

Umutoza ugomba kungiriza Robertinho muri Rayon Sports yageze mu Rwanda

Imikino   Yanditswe na: Dusingizimana Remy 26 January 2019 Yasuwe: 2479

Mu rukerera rwo kuri uyu wa Gatandatu taliki ya 26 Mutarama 2019 nibwo umunya Brazil,Wagner do Nascimento Silva uje kungiriza Robertinho muri Rayon Sports yageze mu Rwanda.

Nascimento ugeze muri Afurika ku nshuro ya mbere yabwiye ikinyaamakuru Rwandamagazine.com dukesha iyi nkuru ko azanywe mu Rwanda no gukorana na Robertinho bakegukana igikombe.

Yagize ati “Ku bwanjye kuba ndi hano biranshimishije cyane kuko twakoranye na Robertinho ahantu hatandukanye. Kuza kongera gukorana na we ni ingenzi cyane. Nje hano ngo njye na Robertinho twegukane igikombe muri Rayon Sports ndetse tuyizamure ijye ku rundi rwego."

Nyuma y’igihe kinini Robertinho akora wenyine,yishakiye umutoza wungirije bakomoka mu gihugu kimwe ndetse ufite ubuhanga budasanzwe ku byerekeye gukoresha imyitozo ngororamubiri.

Robertinho yatangarije ikinyamakuru Rwanda Magazine ko yishimiye kongera gukorana na Nascimento cyane ko aho bakoranye hose bagiye batwara ibikombe.

Yagize ati “Iteka aho twakoranye hose twatwaraga igikombe. Icyo ni ikintu cyiza kandi Rayon Sports ikeneye umuntu nka we kuko hari hasanzwe njye , Ramazan na Djamal. Azadufasha cyane kuko ni umutoza uzobereye mu byo kongerera ingufu abakinnyi ku rwego rwo hejuru. Ikindi azi imibanire n’abakinnyi nkuko mbikora."

Nascimento na Robertinho bakoranye bwa mbere hagati ya 1998 na 2000 mu ikipe ya Esporte Clube São Bento naho hagati ya 2000 kugeza muri 2002 yari amwungirije muri Fluminense Football Club yo muri Brésil.

Wagner Nascimento Da Silva yabaye umutoza wongerera ingufu abakinnyi mu makipe akomeye nka Vasco de Gama y’iwabo,Victoria FC,Al Riyadh yo muri Arabia Saoudite,yakoze kandi mu makipe yo muri Portugal n’ahandi.

Kuri uyu wa Gatandatu nibwo hatangira Imikino y’irushanwa ngarukamwaka ry’igikombe cy’Intwari. Rayon Sports igomba gutangira ikina na Etincelles FC saa kumi n’ebyiri z’umugoroba.





Amafoto:Rwanda Magazine

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza wa Rayon Sports Robertinho yizihije isabukuru y’amavuko ari kumwe...

Umutoza wa Rayon Sports , Roberto Oliveira Gonçalves do Carmo, uri uri mu...
24 June 2019 Yasuwe: 102 0

Rayon Sports yatumiye perezida Kagame kuzaza kureba umukino wa nyuma...

Ubuyobozi bwa Rayon Sports burifuza ko nyakubahwa perezida Kagame...
24 June 2019 Yasuwe: 760 0

Tanzania na Kenya zagaragaje urwego rwo hasi cyane mu gikombe...

Tanzania yatsinzwe ibitego 2-0 na Senegal mu mukino yakozemo amakosa menshi...
24 June 2019 Yasuwe: 1061 0

Rayon Sports izacakirana na AS Kigali muri ½ cy’igikombe cy’Amahoro nyuma yo...

Ikipe ya Rayon Sports yongeye gutombora AS Kigali muri ½ cy’irangiza...
23 June 2019 Yasuwe: 4092 0

Abakinnyi ba Manchester United basabye ubuyobozi bwa Manchester United...

Abakinnyi bakomeye mu ikipe ya Manchester United ndetse n’umutoza wayo Ole...
23 June 2019 Yasuwe: 4822 0

Cristiano Ronaldo yatangaje benshi kubera ahantu yahuriye n’umutoza mushya...

Rutahizamu Cristiano Ronaldo yatumye benshi bacika ururondogoro kubera...
23 June 2019 Yasuwe: 4892 0