Kigali

Abafana ba Real Madrid ntibishimiye umutoza uhabwa amahirwe menshi yo gusimbura Lopetegui

Imikino   Yanditswe na: Dusingizimana Remy 8 October 2018 Yasuwe: 2031

Umutoza w’ikipe ya Real Madrid Julen Lopetegui amaze imikino 4 adatsinda ndetse nta nubwo akibasha kubona ibitego byatumye ibinyamakuru byo muri Espagne bivuga ko perezida wayo Florentino Perez yatangiye kuvugana na Jose Mourinho Umerewe nabi muri Manchester United ngo aze afate aka kazi.

Nyuma yo gutsindwa na Alaves igitego 1-0 ku munota wa nyuma,Lopetegui yahise ajya mu mazi abira ndetse biravugwa ko yahawe imikino 2 irimo n’uwa El Clasico bazahura na FC Barcelona kugira ngo abashe kurengera imbehe ye ishobora kubikwa.

Mourinho ashobora kugaruka muri Real Madrid

Jose Mourinho umerewe nabi I Old Trafford,ngo asanzwe ari inshuti ya Florentino Perez ndetse biravugwa ko uyu mugabo afite inzozi zo kumugarura I Santiago Bernabeu kugira ngo amufashe kongera kwigarurira icyubahiro cyasizwe na Zinedine Zidane na Cristiano Ronaldo.

Ikinyamakuru Diario AS cyavuze ko Mourinho aramutse ataje muri Real Madrid akazi kahabwa Santiago Solari utoza Real Madrid B cyangwa Antonio Conte wirukanwe muri Chelsea.

Uretse Diario AS,ibindi binyamakuru byo muri Espagne byavuze ko iminsi ya Lopetegui muri Real Madrid ibaze ndetse ashobora kurenza uku kwezi akiri umutoza w’iyi kipe y’ubukombe ku isi.

Mourinho naramuka yerekeje I bernabeu ntazaba ari we mutoza wenyine wavuye muri Real Madri akayigarukamo kuko abandi batoza nka Fabio Capello, Jose Camacho na John Toshack nabo bayigarutsemo nyuma yo kuyivamo.

Nyuma yo kumva aya makuru,benshi mu bafana ba Real Madrid bagaragaje ko batayishimiye ku mbuga zabo nkoranyambaga ndetse bavuga ko Mourinho yasize asenye Real Madrid ubwo yayivagao,adakwiriye kuyigarukamo ukundi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Arsenal na Chelsea zamenye amakipe zizahura nayo muri 1/14 cya UEFA Europa...

Arsenal na Chelsea zifite amazina akomeye mu irushanwa rya UEFA Europa...
22 February 2019 Yasuwe: 2514 0

Chelsea FC yafatiwe ibihano bikarishye cyane kubera kwica amategeko ya...

Chelsea yahawe igihano cyo kumara amasoko abiri itagura abakinnyi kubera...
22 February 2019 Yasuwe: 2316 0

Abakinnyi 10 bahabwa amahirwe yo kuzavamo uwegukana Tour du Rwanda 2019...

Harabura amasaha make kugira ngo hatangire irushanwa rikundwa kurusha...
22 February 2019 Yasuwe: 2379 1

Valens Ndayisenga nta cyizere afitiye abanyarwanda muri Tour du Rwanda...

Ndayisenga Valens ufite agahigo ko kuba ariwe munyarwanda wenyine watwaye...
22 February 2019 Yasuwe: 1010 0

Mukura VS yahembye ibirarane by’amezi 4 mbere yo guhura na Rayon...

Abakinnyi ba Mukura VS bari mu byishimo bikomeye byo kuba bahembwe...
22 February 2019 Yasuwe: 1057 0

Reba umwana ufite agahigo ko kuba ariwe wiruka cyane ku isi ushobora no...

Rudolph Ingram Junior w’imyaka irindwi y’amavuko ufite akabyiniriro ka Blaze,...
21 February 2019 Yasuwe: 3521 0