skol
fortebet

Umutoza ushobora gusimbura Maurizio Sarri muri Chelsea yamaze kumenyekana

Yanditswe: Monday 11, Feb 2019

Sponsored Ad

Umutoza wa Chelsea Maurizio Sarri waraye ataye ikuzo agatsindwa ibitego 6-0 na Manchester City,ashobora kwirukanwa mu minsi iri imbere agasimburwa n’umunyabigwi w’iyi kipe Frank Lampard umaze kwigaragaza mu ikipe ya Derby County mu cyiciro cya kabiri mu Bwongereza.

Sponsored Ad

Frank Lampard wagaragaje ubuhanga ubwo yasezereraga Manchester United mu mwaka ushize mu mikino ya Carabao Cup,arahabwa amahirwe menshi yo gusimbura Maurizio Sarri mu ikipe ya Chelsea iri mu mazi abira.

Maurizio Sarri afite imikino 2 ishobora kumusohora mu ikipe ya Chelsea irimo uwo azakurikizaho muri shampiyona, afitanye na Tottenham Hotspurs ndetse n’umukino afitanye na Manchester United muri FA Cup gusa afite amahirwe menshi kuko zose azazikinira mu rugo.

Ibinyamakuru byo mu Bwongereza byavuze ko Frank Lampard afite amahirwe menshi yo guhabwa akazi ko gutoza Chelsea aho agahataniye na Zinedine Zidane na Gianfranco Zola wungirije Sarri.

Nyuma yo kunyagirwa ibitego 6-0 na Man City,Sarri yabwiye abanyamakuru ko atizeye neza ko azaguma gutoza Chelsea ariko atiteguye guhindura imikinire ye.

Sarri yavuze ko ababajwe n’uko Chelsea iri kwitwara muri iyi minsi ndetse ko ahangayikishijwe n’imikinire y’ikipe iri gutsindwa umusubirizo.

Umuherwe wa Chelsea Roman Abramovic ntakunze kwihanganira umutoza w’iyi kipe utari gutanga umusaruro aho bivugwa ko nyuma yo gutsindwa na AFC Bournemouth ibitego 4-0 yandikiye Sarri amusaba ibisobanuro, ndetse biravugwa ko ashobora kumwirukana mu minsi iri imbere igihe ikipe yaba ikomeje gutsindwa.


Frank Lampard ashobora kugaruka muri Chelsea nk’umutoza mukuru

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa