Kigali

Umuzamu wa Rayon Sports yitabye Imana azize urupfu rutunguranye

Imikino   Yanditswe na: 12 September 2017 Yasuwe: 2493

Umunyezamu Mutuyimana Evariste warindiraga ikipe ya Rayon Sports mu buryo butunguranye aguye iwe mu rugo.

Iyi nkuru y’akababaro yamenyekanye muri iki gitondo yatunguye abantu benshi cyane ko yakoze imyitozo hamwe na bagenzi be ku munsi w’ejo ku wa mbere Taliki ya 11 Nzeri 2017.

Nkuko tubikesha Ruhagoyacu aya makuru yemejwe n’umutoza wungirije muri Rayon Sports Lomami Marcel aho yemeje ko nabo babimenye ubwo bari bagiye gukora imyitozo muri iki gitondo.

Yagize ati" Uyu munsi yafashwe ari wenyine iwe mu rugo mu gitondo, biza kumugora cyane, abura umutabariza, birangira yitabye Imana. Evariste Yajyaga agira uburwayi butunguranye, akamererwa nabi cyane. Byaherukaga ubwo twajyaga i Dar Es Salaam, nibwo yaje kuremba bikomeye biba ngombwa ko n’indege yari izamutse bayisubiza hasi, aza kwitabwaho n’abaganga arakira icyo gihe."

Mutuyimana Evariste yavutse tariki ya 20 Mutarama 1990. Nk’umukinnyi w’umupira w’amaguru yakiniye amakipe atandukanye hano mu Rwanda, arimo Police FC,Kiyovu Sports na Rayon Sports yajemo umwaka ushize avuye muri Sofapaka yo muri Kenya.

Uyu munyezamu kandi yigeze guhamagarwa mu ikipe y’igihugu Amavubi gusa muri iyi minsi ntabwo yari agihamagarwa .

Amakuru agera ku Umuryango ni uko umurambo we wajyanywe ku bitaro by’umwami Faisal muri iki gitondo gusuzumwa.

Mutuyimana Evariste asize umwana umwe n’undi wendaga kuvuka,biravugwa ko yazize uburwayi budasobanutse nk’ uko ababanaga nawe babitangaza.

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Imana imwakire mu bayo kdi umuryango n’inshuti ndetse n’umuryango wa rayons sport muri rusange bakomeze kwihangana

    September 2017

Inzindi nkuru

Abakinnyi ba Argentina barashaka guhagarika umutoza wabo Sampaoli ku mukino...

Biravugwa ko abakinnyi bose ba Argentina bafashe umwanzuro wo guhagarika...
22 June 2018 Yasuwe: 1331 0

Diego Simeone yibasiriye Messi bakomoka mu gihugu kimwe asingiza Cristiano...

Umutoza w’ikipe ya Atletico Madrid Diego Simeone yibasiriye Lionel Messi...
22 June 2018 Yasuwe: 1640 0

Uburanga bw’umukunzi wa Leno uherutse gusinyira Arsenal bwatangaje benshi...

Hirya no hino ku mbuga nkoranyambaga hacaracaye amafoto atandukanye...
22 June 2018 Yasuwe: 1672 0

Amafoto y’umugore wa Fabregas umurusha imyaka 12 arimo gutangarirwa...

Uyu mugore umaze imyaka 7 akundana na Cesc Fabregas ,si ubwa mbere...
22 June 2018 Yasuwe: 2633 0

Umusore ari mu mazi abira nyuma yo gusomera umunyamakuru kuri televiziyo...

Umunyamakuru ukorera televiziyo mpuzamahanga ya Deutsche Welle, Julieth...
22 June 2018 Yasuwe: 1602 0

Umutoza wa Argentine yatangaje impamvu ikomeye iri gutuma Messi atitwara...

Umutoza Jorge Sampaoli w’ikipe ya Argentina yatangaje ko impamvu ikomeye iri...
22 June 2018 Yasuwe: 3483 0