Kigali

Umwana wamamaye kubera kwambara ishashi yanditseho Messi bigatuma bahura, ari guhigwa bukware n’Abatalibani

Imikino   Yanditswe na: Dusingizimana Remy 6 December 2018 Yasuwe: 5976

Umwana muto witwa Murtaza Ahmadi w’imyaka 7 waherukaga kuvugwa mu binyamakuru ubwo yafataga ishashi ifite amabara ya Argentina akayikoramo agapira akakandikaho Messi bikamufasha guhura n’iki gihangange,amaze iminsi ahigwa bukware n’aba talibani ngo bamwice byatumye ahunga iwabo we n’ababyeyi be.

Uyu mwana wahuye na Lionel Messi mu Ukwakira 2016 nyuma yo kwamamara yambaye ishashi imwanditseho,yababaje benshi kuko ubu ari mu buhungiro nyuma yo kubwirwa n’abatalibani ko bazamukatamo ibice nibamufata.

Murtaza n’umuryango we bahunze agace k’iwabo mu majyepfo ya Ghazni muri Afghanistan kubera intambara ndetse abatalibani babwiye ababyeyi b’uyu mwana ko bazamucamo ibice nibamufata kubera ko yahuye na Messi.

Ababyeyi b’uyu mwana bamuhungishirije mu mujyi wa Kabul ndetse kuri ubu bafite ubwoba ko izi nyeshyamba zishobora kuhabasanga zikamwica kubera ko yabaye icyamamare.

Uyu mwana wiswe Little Messi ari mu nkambi y’impunzi muri Kabul gusa nyina Shafiqa yabwiye AFP ko afite ubwoba ko umwana we ashobora gupfa igihe cyose abatalibani bamubona.

Yagize ati “Twahunze nijoro twumvise amasasu,nta kindi kintu dufite uretse amagara yacu.Abatalibani bavuze ko nibafata umwana wanjye bazamucamo ibice.”

Shafiqa yavuze ko yafashe umwanzuro wo guhisha mu maso h’umwana we kugira ngo abantu batazamuvumbura bakabimenyesha Abatalibani.

Murtaza n’umuryango we bahungiye mu musigiti wa Bamiyan mbere yo kwerekeza mu nkambi ya Kabul ndetse mu bintu bataye mu nzu yabo harimo umupira wo gukina n’uwo kwambara yahawe na Lionel Messi.

Murtaza yavuze ko ababajwe cyane no kuba atabasha kubona impano yahawe na Messi ndetse akumbuye gukina umupira yamuhaye, kuko yawutaye mu rugo.

Murtaza n’umuryango we bari mu nkambi irimo impunzi ibihumbi,aho zifite ibibazo birimo kubura ibyo kurya n’ibindi bintu byibanze birimo n’ubuvuzi.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jose Mourinho yahaye Liverpool ubutumwa bwashimishije abakunzi ba...

Umutoza wa Manchester United,Jose Mourinho yabwiye Liverpool ko atazigera...
14 December 2018 Yasuwe: 3297 0

FC Barcelona yahaye igihano gitangaje Ousmane Dembele usigaye asiba...

Ubuyobozi bwa FC Barcelona bwahaye rutahizamu Ousmane Dembele igihano cyo...
14 December 2018 Yasuwe: 3636 0

Masudi Djuma yavuze impamvu ikomeye yatumye yanga kugaruka muri Rayon...

Umutoza wa AS Kigali yavuze ko ikipe ya Rayon Sports yamuvugishije nyuma yo...
14 December 2018 Yasuwe: 2909 0

Bashunga Abouba yasabye ubufasha bukomeye ubuyobozi bwa Rayon Sports nyuma...

Umunyezamu wa Rayon Sports,Bashunga Abouba watewe n’abagizi ba nabi mu ijoro...
14 December 2018 Yasuwe: 3304 2

Manchester United yarahiriye kongera gutwara umukinnyi ukomeye wa...

Ikipe ya Manchester United ikunze gutwara abakinnyi bakomeye...
14 December 2018 Yasuwe: 1861 0

Masudi Djuma na AS Kigali babonye amanota 3 ku nshuro ya mbere

Ikipe ya AS Kigali n’umutoza wayo bariruhukije kuko babonye amanota 3 ya...
13 December 2018 Yasuwe: 1339 0