Kigali

Urugendo rwa Chelsea muri Champions League rurangiye inyagirwa na FC Barcelona

Imikino   Yanditswe na: Dusingizimana Remy 15 March 2018 Yasuwe: 1151

Ikipe ya Chelsea FC isezerewe muri 1/16 cya UEFA Champions League itsinzwe na FC Barcelona ibitego 3-0mu mukino wo kwishyura mu gihe umukino ubanza warangiye amakipe yombi anganyije 1-1.

FC Barcelona yahabwaga amahirwe na benshi mu bakunzi ba ruhago,yafunguye amazamu umupira ugitangira ku munota wa 3 ku gitego cyatsinzwe na Lionel Messi.

Ku munota wa 20,abakinnyi bo hagati ba Chelsea batakaje umupira Messi arawufata asigarana n’aba myugariro 2 Christensen na Azpilicueta arabacenga niko gutanga umupira mu rubuga rw’amahina usanga Ousmane Dembele aho yari ahagaze ashyiramo igitego cya kabiri cyashyize Chelsea mu mazi abira cyane.

Ikipe ya Chelsea yagerageje guhererekanya neza umupira ndetse ikomeza kugaragaza ko yagarutse mu mukino aho byayihiriye ikabona Coup Franc mu minota ya nyuma y’igice cya mbere yatewe na Marcos Alonso ikubita igiti cy’izamu.

Mu gice cya kabiri,ikipe ya FC Barcelona yaje kongera kubona amahirwe akomeye ku munota wa 64 Messi acenga abakinnyi b’inyuma ba Chelsea niko gusigarana n’umunyezamu Thibaut Courtois amutsinda igitego cya 3 cyabaye igitego cye cya 100 atsinze muri aya marushanwa.Umukino warangiye ari ibitego 3-0.

Ikipe ya Chelsea FC yagerageje gukina neza umukino w’uyu munsi ndetse ntabwo yaruhijwe cyane na FC Barcelona gusa abakinnyi bayo bagiye bakora amakosa agahumira ko umunyezamu Courtois atari ahagaze neza uyu munsi aribyo byatumye FC Barcelona ibona ibitego 3-0.

Mu wundi mukino wa 1/16 wabaye,ikipe ya Bayern Munichen yatsinze Beskitas Istanbul ibitego 3-1 iyisanze iwayo byiyongereye ku bitego 5-0 yayitsinze mu mukino ubanza.

Amakipe yashoboye kugera muri ¼ ni:Real Madrid,Liverpool,Juventus,AS Roma,Sevilla FC,Bayern Munichen,FC Barcelona na Manchester City

Tombola y’uko amakipe azahura mu mikino ya 1/4 iteganyijwe kuri uyu wa Gatanu Taliki ya 16 Werurwe 2018 saa 13h00.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cristiano Ronaldo yibasiriye abakinnyi bakinannye muri Real...

Rutahizamu Cristiano Ronaldo ukinira ikipe ya Juventus yavuze ko mu ikipe...
10 December 2018 Yasuwe: 1593 0

Robertinho yaburiye abayobozi ba Rayon Sports bataramuha ibyo...

Umutoza wa Rayon Sports Roberto Oliveira Goncalves do Carmo yatangaje ko...
10 December 2018 Yasuwe: 2405 1

Umukinnyi w’Umutaliyani yishimiye igitego yambarira ubusa mu bafana...

Umukinnyi wa Sampdoria Ricky Saponara ukina hagati,yakoze amahano ubwo...
10 December 2018 Yasuwe: 1500 0

Masudi Djuma yavuze impamvu ikomeye iri gutuma atsindwa umusubirizo

Umutoza wa AS Kigali Masudi Irambona Djuma yavuze ko hari bamwe mu bakinnyi...
10 December 2018 Yasuwe: 1380 0

Rayon Sports yatsinze AS Kigali y’abakinnyi 9 yari ku rwego rwo hasi...

Ikipe ya Rayon Sports yisubije icyubahiro yateshejwe na Kiyovu Sports mu...
9 December 2018 Yasuwe: 3068 0

Umukinnyi wa Arsenal yagonzwe n’imodoka 2 Imana ikinga ukuboko...

Umukinnyi witwa Dominic Thompson w’imyaka 18 yagonzwe n’imodoka 2 ubwo yari...
9 December 2018 Yasuwe: 2527 0