Kigali

USM Alger itsinze Rayon Sports ikomeza kuyobora itsinda D

Imikino   Yanditswe na: Dusingizimana Remy 18 July 2018 Yasuwe: 1108

USM Alger itsindiye Rayon Sports mu rugo ibitego 2-1 mu mukino wa 3 wo mu itsinda D rya CAF Confederations Cup biyiha amahirwe menshi yo kurangiza imikino 3 ibanza iriyoboye.

Rayon Sports ifite ubwugarizi buri ku rwego rwo hasi itsinzwe igitego cya 2 ku munota wa nyuma w’inyongera,bituma icyizere cyo kugera muri ¼ kigabanuka.

USM Alger ikomeje kuyobora itsinda D

Rayon Sports niyo yafunguye amazamu ku munota wa 38 ku gitego cyatsinzwe na Ismaila Diarra ku ikosa ryakozwe na myugariro wa USM Alger wasubije umupira inyuma awihera Ismaila Diarra nawe asigarana n’umunyezamu aramucenga atsinda igitego.

Rayon Sports yatangiye gukora amakosa ndetse igenda itakaza imipira bya hato na hato byatumye ku munota wa 43 Chafai yishyurira USM Alger ndetse amakipe ajya kuruhuka anganya igitego 1-1.

Rayon Sports yari yabuze abakinnyi benshi kuri uyu mukino barimo Rutanga Eric,Mukunzi Yannick na Niyonzima Olivier yatangiye igice cya kabiri iri hasi ndetse igenda ihushwa ibitego byinshi,kuko USM Alger yahererekanyaga umupira cyane kurusha Rayon.

Usengimana Faustin wari wakinnye mu kibuga hagati ntiyashoboye guhagarika abakinnyi ba USM Alger byatumye ku munota wa 90 ihusha igitego cyari cyabazwe aho Irambona yakuriyemo umupira ku murongo.

Bashunga Abouba wari wabanje mu kibuga kuri uyu mukino yatsinzwe igitego cya 2 mu minota 4 y’inyongera cyatsinzwe na Mahamed Benkhemassa,bituma Rayon Sports ikomeza kwitwara nabi cyane nyuma yo kunyagirirwa na AZAM FC muri CECAFA Kagame Cup ibitego 4-2.

Gor Mahia inyagiye Yanga Africans ibitego 4-0 birimo 2 bya Tuyisenge Jacques, biyihesha amahirwe yo gukomeza kwegera USM Alger iyoboye itsinda D n’amanota 7 mu gihe yo igize amanota 5 ku mwanya wa 2,Rayon Sports iri ku mwanya wa 3 n’amanota 2.

Rayon Sports yari yabanje mu kibuga Bashunga,Manzi Thierry,Rwatubyaye Abdul,Mutsinzi Ange, Irambona Eric,Usengimana Faustin,Kwizera Pierrot,Muhire Kevin,Manishimwe Djabel,Mbondi Christ na Ismaila Diarra.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Atletico Madrid yatsinze Juventus yibikira impamba ikomeye ishobora...

Ikipe ya Atletico iri mu nzira nziza yo kwerekeza mu mikino ya ¼ cy’irangiza...
21 February 2019 Yasuwe: 184 0

Umukinnyi Dele Alli yabenze umukunzi we mu ibanga amusimbuza uwo bahuriye...

Umwongereza Dele Alli ukinira ikipe ya Tottenham yabenze umukunzi we Ruby...
20 February 2019 Yasuwe: 2545 0

Jules Ulimwengu yavuze byinshi ku rugendo rwe muri Rayon Sports n’umukinnyi...

Rutahizamu mushya wa Rayon Sports watangiye kwigarurira abafana kubera...
20 February 2019 Yasuwe: 2889 0

FERWAFA yakuriye inzira ku murima ikipe ya Mukura VS yashakaga ko umukino...

FERWAFA yamaze kwandikira Mukura VS iyimenyesha ko icyifuzo cyayo cy’uko...
20 February 2019 Yasuwe: 1275 0

Jurgen Klopp yateranye amagambo n’umutoza wa Bayern Munich nyuma yo...

Umutoza wa Livepool,Jurgen Klopp yagaragaye ari gushwana n’umutoza wa Bayern...
20 February 2019 Yasuwe: 1530 0

Neymar Jr yateye benshi agahinda kubera ubuzima bubabaje yaciyemo nyuma yo...

Rutahizamu wa PSG,Neymar Jr yatangaje ko nyuma yo kuvunika ukuguru kwe mu...
20 February 2019 Yasuwe: 2460 0