skol
fortebet

Uwizeyimana Bonaventure yigaragaje cyane mu gace ka kabiri ka La Tropicale Amissa Bongo

Yanditswe: Tuesday 22, Jan 2019

Sponsored Ad

Uwizeyimana Bonaventure yaje ku mwanya wa 3 mu gace ka 2 k’irushanwa rya La Tropicale Amissa Bongo inyuma y’ibihangange bikomeye ku isi mu gusiganwa ahatambika (sprinters)birimo Niccolo Bonifazio wongeye kwisubiza aka gace atsinze Andre Greipel waje ku mwanya wa 2.

Sponsored Ad

Nyuma yo gutwara agace ko ku munsi w’ejo,Niccolo Bonifazio,Umutaliyani ukinira ikipe ya Direct Energie yongeye kwerekana ko ari umwami mu gutambika atsinda Andre Greipel ukinira ikipe ya Arkea Samsic witezwe na benshi muri iri rushanwa.

Team Rwanda yahagereye igihe kimwe n’aba basore bakomeye, kuko igihe bakoresheje ari kimwe n’icya Bonifazio wegukanye aka gace.

Uwizeyimana uzwiho ubuhanga mu gutambika,yongeye kwerekana ko ashoboye kuko yahanganye na Greipel watwaye uduce 11 muri Tour de France na Bonifazio wigaragaje mu ikipe ya Trek Segafredo bikarangira basoreje igihe kimwe.

Uretse Uwizeyimana,abandi banyarwanda bitwaye neza barimo Areruya Joseph waje ku mwanya wa 35,Munyaneza Didier kuwa 36 mu gihe Samuel mugisha yasoje ku mwanya wa 43.Aba bose bahagereye rimwe n’uwa mbere.

Aka gace ka kabiri kahagurutse ahitwa Franceville kerekeza ahitwa Okondja ku ntera y’ibirometero bisaga 170.




Bonifazio niwe wongeye kwisubiza intsinzi

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa