Kigali

Virgil Van Dijk yatowe nk’umukinnyi w’umwaka mu Bwongereza,Paul Pogba atuma benshi bacika ururondogoro kubera gushyirwa mu ikipe y’umwaka

Imikino   Yanditswe na: Dusingizimana Remy 25 April 2019 Yasuwe: 2943

Abakinnyi bose babigize umwuga mu gihugu cy’Ubwongereza,bemeje ko myugariro Virgil Van Dijk ukinira Liverpool ariwe mukinnyi witwaye neza muri uyu mwaka w’imikino atsinze Raheem Sterling bari bahanganye cyane mu gihe Paul Pogba yatumye benshi bacika ururondogoro nyuma yo kuza mu ikipe y’umwaka.

Uyu myugariro w’Umuholandi yafashije Liverpool kutavogerwa mu bwugarii bwari bumaze imyaka myinshi burimo icyuho gikomeye byatumye ahundagazwaho amajwi n’abakinnyi bagenzi be bakina mu Bwongereza.

Nubwo Sterling yagize umwaka mwiza urimo gutsinda ibitego,gutanga imipira yavuyemo ibitego n’ibindi ntiyabashije guhigika uyu Muholandi wagaragaje ko ariwe myugariro wa mbere mu Bwongereza uyu mwaka.

Nubwo bamwe batabyemeye bakavuga ko Sterling yazize ko ari umwirabura,abandi benshi bemeje ko gutorwa kwa Van Dijk nta kimenyane cyangwa irondaruhu ririmo.
Van Dijk yatsinze abandi bakinnyi 5 barimo Sadio Mane,Sterling, Sergio Aguero,Bernardo Silva na Eden Hazard.

Ku rundi ruhande Paul Pogba washanye na Jose Mourinho akamara igihe yicazwa ku ntebe y’abasimbura ndetse akaba umwe mu bakinnyi bashinjwa gusubiza inyuma Manchester United,yatumye benshi bacika ururondogoro nyuma yo gushyirwa mu ikipe y’umwaka.

Pogba witwaye neza mu mikino yo kwishyura nabwo bitarambye yashyizwe mu bakinnyi 11 beza muri uyu mwaka w’imikino bibabaza benshi bemezaga ko abakinnyi barimo Ruben Neves wa Wolves cyangwa Abdoulaye Doucoure wa Watord wayifashije kugera Final ya FA bitwaye neza kumurusha.

Ntabwo bibaho ko iyi kipe y’umwaka iburamo umukinnyi wa Manchester United ariyo mpamvu benshi bemeje ko iyi kipe y’umwaka yishwe no kuba yajemo Pogba utarakoze ikinyuranyo kurusha abasore twavuze haruguru.

Kabuhariwe Eden Hazard na Mohamed Salah ntibabashije kuza muri iyi kipe y’umwaka.Van Dijk azashyikirizwa iki gihembo cya PFA Players’ Player of the Year ku Cyumweru mu mujyi wa London.




Virgil witwaye neza cyane niwe wasimbuye Salah kuba umukinnyi w’umwaka ndetse anayobora ikipe y’umwaka

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu bakinnyi bandi ikipe ya Mukura yasinyishije harimo n’uwo APR FC...

Ikipe ya Mukura Victory Sports et Loisirs, yemeje ko yamaze gusinyisha...
18 July 2019 Yasuwe: 1144 0

Neymar Jr ari hafi kwerekeza mu ikipe ikomeye idakina muri LA...

Rutahizamu Neymar Jr wa PSG ukomeje kuvugwa cyane mu binyamakuru,ashobora...
18 July 2019 Yasuwe: 2053 0

Petro Atletico de Luanda yatangaje Tuyisenge Jacques nk’umukinnyi wayo...

Hari hashize amezi menshi bivugwa ko rutahizamu w’Umunyarwanda Tuyisenge...
18 July 2019 Yasuwe: 1979 0

Akayabo APR FC yahawe kuri Hakizimana Muhadjiri kamenyekanye

Ikipe ya Emirates Club yo muri yo muri Leta zunze ubumwe z’Abarabu [UAE]...
18 July 2019 Yasuwe: 4644 0

Zlatko Krmpotic washenguye imitima y’abafana ba APR FC yabonye ikipe muri...

Umutoza ukomoka muri Serbia, Zlatko Krmpotic wanzwe n’abafana ba APR FC...
18 July 2019 Yasuwe: 1497 0

Abanya Nigeria banenze umutoza Rohr kubera umukinnyi ukomeye wabahesheje...

Abanya Nigeria bakunda umupira w’amaguru ntibanyuzwe n’umwanya wa 3 ikipe...
18 July 2019 Yasuwe: 2320 0