Rutahizamu Wayne Rooney ukina muri DC United muri US ariko wamamaye mu Bwongereza mu ikipe ya Manchester United na Everton,yarakajwe n’inkuru y’ikinyamakuru giherutse gutangaza amakuru y’uko yasohokanye n’umukobwa w’ikizungerezi muri Canaa mu mujyi wa Vancouver.

Sponsored Ad

Rooney usigaye aba wenyine muri US nyuma y’aho umugore we Coleen Rooney afashe umwanzuro wo kugaruka mu bwongereza n’abana be,yafotowe ari kumwe n’umukobwa w’ikizungerezi mu masaha y’ijoro ageze ku kinyamakuru The Sun gishya kitanzitse.

Uyu mukinnyi yavuze ko ari miseke igoroye atigeze asambana n’uyu mukobwa ahubwo ngo ari umufana wamusabye ko yamusinyira ka autograph ndetse ngo nta kintu na kimwe cyabaye muri ririya joro ryo kuwa Gatanu.

Yagize ati “The Sun birahagije.Nta kintu na kimwe cyabaye hagati yanjye n’uriya mukobwa muri ririya joro I Vancouver.Ntabwo ninjiye njyenyine n’uriya mukobwa muri hoteli nijoro.Uriya mukobwa wafotowe n’umwe mu bafana benshi nahuye nabo bansaba ko nabasinyira ndetse tukanifotozanya.

Iriya nkuru yose yari igamije kunsebya.Ni iyo kunteranya n’umuryango wanjye kandi siniteguye kubyinjiramo.

Rooney yamaze gusinyira ikipe ya Derby County nk’umukinnyi n’umutoza ndetse azayigeramo mu kwezi kwa Mutarama 2020.

Amakuru avuga ko iyi nkuru ikimara gusohoka,umugore wa Rooney yahise amusanga muri USA barahangana cyane ko yamubabariye inshuro nyinshi icyaha cyo gushurashura.Uyu mugore ngo yamusabye ko agomba guhita asesa amasezerano ye na DC united niba ashaka ko bakomeza kubana nk’umugabo n’umugore.

Rooney yamaganye ikinyamakuru The Sun yashinje gushaka kumuteranye n’umugore we