Ikipe ya Yanga Africans ikinamo umunyarwanda Haruna Niyonzima isezerewe na Zanaco FC mu marushanwa ya Champions League nyuma yo y’uko amakipe yose anganyije 0-0 mu umukino wo kwishyura.
Ikipe ya Zanaco FC yari yakuyemo ikipe ya APR FC ku ijonjora rya mbere, ijonjora rya kabiri yahuye na Yanga Africans maze umukino ubanza ubera muri Tanzania amakipe yombi anganya 1-1, umukino wo kwishyura amakipe yombi yanganyije 0-0 maze Zanaco iba ariyo ikomeza mu icyiciro gikurikiyeho cyo mu matsinda (...)

Sponsored Ad

Ikipe ya Yanga Africans ikinamo umunyarwanda Haruna Niyonzima isezerewe na Zanaco FC mu marushanwa ya Champions League nyuma yo y’uko amakipe yose anganyije 0-0 mu umukino wo kwishyura.

Ikipe ya Zanaco FC yari yakuyemo ikipe ya APR FC ku ijonjora rya mbere, ijonjora rya kabiri yahuye na Yanga Africans maze umukino ubanza ubera muri Tanzania amakipe yombi anganya 1-1, umukino wo kwishyura amakipe yombi yanganyije 0-0 maze Zanaco iba ariyo ikomeza mu icyiciro gikurikiyeho cyo mu matsinda bitewe n’igitego yatsindiye hanze.

Ni umukino kapiteni w’Amavubi Haruna Niyonzima yakinnye nyuma y’uko atakinnye ubanza bitewe n’imvune yari afite. Gusa iyi kipe ya Yanga ntiyari ifite Donald Ngoma na Hamissi Tambwe.

Ibi bivuze ko ikipe ya Yanga Africans ihise imanuka muri CAF Confederation Cup kimwe n’andi makipe yasezerewe kuri iki cyiciro, akaba azatomborana n’amakipe yari asigayemo muri Confederation Cup arimo Rayon Sports yo Mu Rwanda ubundi ikipe itsinze igahita yerekeza mu amatsinda ya Confederation Cup.

Birashoboka ko ikipe ya Yanga Africans yatomborana na Rayon Sports maze imwe igasezerera indi. Si ubwa mbere ikipe ya Yanga Africans yaba ihuye n’ikipe yo mu Rwanda mu imikino nyafurika kuko n’umwaka ushize yasezereye APR FC mu ijonjora rya kabiri muri CAF Champions League ku igiteranyo cy’ibitego 2-1.