Kigali

Yaya Toure yavuze ubugome yakorewe na Guardiola n’urwango rukabije yanga abirabura

Imikino   Yanditswe na: Dusingizimana Remy 5 June 2018 Yasuwe: 1568

Umukinnyi Yaya Toure uri mu beza Afurika yagize,yatangaje ko umutoza Pep Guardiola wa Manchester City yakiniraga mbere y’uko amasezerano ye arangira mu mwaka w’imikino ushize,afitiye urwango rukabije abakinnyi bo muri Afurika ndetse yangije ubuzima bwe muri iyi kipe yo mu Bwongereza.

Uyu mugabo w’imyaka 35 yavuze ko Pep Guardiola yanga abakinnyi bakomoka muri Afurika ndetse yamukoreye iyicarubozo akigera muri Manchester City,amwima umwanya wo gukina byatumye ava muri iyi kipe nabi.

Yaya Toure yavuze ko Guardiola yamwishe urubozo

Yaya Toure yari amaze imyaka 8 mu ikipe ya Manchester City ndetse ayifasha gutwara ibikombe byinshi, gusa umwaka we wa nyuma wabaye mubi cyane,aribagirana ndetse asezera mu buryo atishimiye.

Yagize ati “Pep yakoze buri kimwe cyose kugira ngo yangize umwaka wanjye wa nyuma,yankoreye ubugome bukomeye.Ese utekereza ko uko yamfashe yari kubikorera mwene wabo Andres Iniesta?,ibyo yakoze yabikoze kubera ibara ryanjye ry’uruhu.

Birashoboka ko twe abanyafurika tudakwiye gufatwa nk’abandi bantu.iyo ndebye ukuntu Pep yagiye afata abanyafurika yakoranye nabo,bintera urujijo.Ni umuntu uba ushaka ko abantu bamubona nk’umuhanga cyane ariko nta muntu ubona urwango agirira abirabura. Ntashobora kubyemera,ariko nagira ikipe irimo abanya Afurika 5 nzamwoherereza gato yo kumushimira.”

Yaya Toure yafashije Guardiola gutwara UEFA Champions League 2009,ndetse amuhesha La Liga 2,ariko umubano we n’uyu mutoza wari mubi bikomereza muri Manchester City aho yamuhemukiye ku buryo bukomeye akamwicaza ku ntebe y’abasimbura.

Yaya Toure yashinje Guardiola kwanga urunuka abirabura

Toure yabwiye France Football ko Guardiola afata abakinnyi be nk’ibikoresho bye ndetse bakwiye gukora ibyo ashaka ariyo mpamvu batumvikanye kuko we yubaha umutoza we ariko atakwemera ko amugira igikoresho cye.

Uyu musore ukina hagati mu kibuga yavuze ko Guardiola yamugiriye ishyari ndetse yamufataga nk’umuntu bahanganye kubera ibyo yagejejeho Manchester City birimo Premier League 2 (2012 na FA Cup, 2011.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble KKI

    ARIKO uyu mutype ibyo avuga ni ukuri kuko niba mwibuka uyu mugabo atoza FC BARCELONE icyo gihe ETOO yakinagamo kandi afite ibihe byiza ariko yahise amwirukana ,Etoo ajya muri Inter de milan .yanga abirabura cyane.

    5 months ago

Inzindi nkuru

Amavubi yabuze amahirwe yo gutsinda Centrafrique ku munota wa...

Igitego cya Geoffrey Kondogbia ku munota wa nyuma kibujije Amavubi kubona...
18 November 2018 Yasuwe: 1173 0

Van Dijk nawe yibasiriye Sergio Ramos wavunnye urutugu Mohamed...

Ba myugariro ba Liverpool barimo Virgil Van Dijk na Dejan Lovren bakomeje...
18 November 2018 Yasuwe: 1142 0

Rayon Sports yemeye kurekura Ndayishimiye Eric Bakame

Ikipe ya Rayon Sports yamaze guha Ndayishimiye Eric Bakame urwandiko...
18 November 2018 Yasuwe: 2893 0

Wayne Rooney yatangaje amagambo ashobora kumuteranya na bagenzi be...

Rutahizamu w’Umwongereza Wayne Rooney,yatangaje ko hari abakinnyi bahoze...
18 November 2018 Yasuwe: 1280 0

Robertinho yavuze igihe azatangariza ahazaza he muri Rayon Sports

Umutoza wa Rayon Sports Roberto Oliveira Goncalves de Carmo uzwi nka...
18 November 2018 Yasuwe: 1664 0

Robertinho yatangaje umukinnyi abonamo ubushobozi bwo gusimbura Pierrot...

Umutoza wa Rayon Sports, Robertinho yatangaje ko yishimiye cyane kuba iyi...
18 November 2018 Yasuwe: 3373 0