Kigali

Zambia itsinze Amavubi yiyongerera amahirwe yo kwerekeza muri CAN U20

Imikino   Yanditswe na: Dusingizimana Remy 12 May 2018 Yasuwe: 1216

Ikipe y’igihugu ya Zambia y’abatarengeje imyaka 20 iteye intambwe ikomeye yo kwerekeza mu gikombe cy’Afrika nyuma yo gutsindira Amavubi ku kibuga cyayo ibitego 2-0 mu mukino ubanza.

Umukino watangiye amakipe yombi yigana ndetse buri ruhande rwirinda gutakaza umupira,gusa ibintu byaje guhinduka ku munota wa 34 ubwo rutahizamu Francisco Mwepu yafunguraga amazamu ku mupira yatereye mu rubuga rw’amahina.

Mu gice cya kabiri,Amavubi ntitigeze ahindura imikinire ndetse yakomeje gukina ubona nta ntego ikomeye afite,cyane ko Zambia yari yabanize hagati byatumye ku munota wa 78 yinjiza igitego cya kabiri cyatsinzwe nanone na Francisco Mwepu wacenze ba myugariro bose b’Amavubi.

Amavubi yarangije umukino atuzuye kuko ku munota wa 59 Sindambiwe Protais yakoreye ikosa umukinnyi wa Zambia bituma ahabwa ikarita y’umutuku.

Abakunzi b’ikipe y’igihugu ntibishimiye imyitwarire yayo,kuko kuva umupira utangiye kuza urangiye Amavubi atigeze yugariza izamu rya Zambia ndetse nta n’uburyo bukomeye bigeze babona.

Nubwo Zambia itarushaga Amavubi cyane,yagaragaje ko ari ikipe imenyereye aya marushanwa kuko uburyo bukeya babonye babubyaje umusaruro ndetse umukino wo kwishyura uzaba ari umuhango kuko itike yo birasa naho bayikozaho imitwe y’intoki.

Abakinnyi babanje mu kibuga:
Rwanda XI:
Ntwari Fiacre, Ishimwe Christian, Ishimwe Saleh, Bonane Janvier, Sindambiwe Protais, Cyitegetse Bogarde, Nshimiyimana Marc Govin, Buregeya Prince, Uwineza Aime Placide, Byiringiro Lague na Mugisha Patrick.

Zambia XI: Bwalya Prince, Prince Mumba, Kingsley Hakwiya, Justin Mwanza, Martin Njobvu, Lameck Banda, Benson Kolala, Christopher Katongo, Thomas Zulu, Mumba Muma na Francisco Mwepu.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwasamanzi yatangaje impamvu nyamukuru yatumye atsindwa na Rayon...

Umutoza wa Marines FC Rwasamanzi Yves yavuze ko umusifuzi atigeze abanira...
22 July 2018 Yasuwe: 1157 0

Xavi yahishuye umukinnyi abona yamusimbura muri FC Barcelona

Kabuhariwe Xavi Hernamdez wakoze amateka muri FC Barcelona ndetse kuri ubu...
22 July 2018 Yasuwe: 1368 0

Rayon Sports y’abakinnyi 10 yatsindiye Marines FC I Rubavu

Mu mukino ubanza wa ¼ cy’igikombe cy’Amahoro,ikipe ya Rayon Sports yasuye...
21 July 2018 Yasuwe: 2301 0

Gisagara VC yatoye komite nshya yarahiriye guhatana ku rwego...

Ikipe ya Gisagara Volleball Club yatoye komite nshya ku munsi w’ejo yari...
21 July 2018 Yasuwe: 520 0

Real Madrid yinjiye mu rugamba rwo gushaka myugariro w’Umwongereza

Nubwo idakunze kuhakura abakinnyi,ikipe ya Real Madrid yatangiye urugamba...
21 July 2018 Yasuwe: 1917 0

Griezmann yakoze igikorwa cyashimishije abaturage bo mu gace yavukiyemo...

Umukinnyi Antoine Griezmann uherutse gufasha ikipe y’Ubufaransa kwegukana...
21 July 2018 Yasuwe: 3293 0