Umutoza w’ikipe ya Real Madrid na myugariro Ramos,batangaje ko nubwo Paris Saint Germain barahura uyu munsi mu mukino wo kwishyura wa UEFA Champions League wa 1/16 idafite Neymar,baragorwa na Angel Di Maria ndetse batarebye neza yagira uruhare mu gutuma basezererwa.
Di Maria wigeze gukinira ikipe ya Real Madrid,ahagaze neza muri iyi minsi ndetse byitezwe ko uyu munsi araba ayoboye ubusatiriza bwa PSG afatanyije na Kylian Mbappe na Edinson Cavani.
Mu kiganiro aba bombi bagiranye (...)

Sponsored Ad

Umutoza w’ikipe ya Real Madrid na myugariro Ramos,batangaje ko nubwo Paris Saint Germain barahura uyu munsi mu mukino wo kwishyura wa UEFA Champions League wa 1/16 idafite Neymar,baragorwa na Angel Di Maria ndetse batarebye neza yagira uruhare mu gutuma basezererwa.


Di Maria wigeze gukinira ikipe ya Real Madrid,ahagaze neza muri iyi minsi ndetse byitezwe ko uyu munsi araba ayoboye ubusatiriza bwa PSG afatanyije na Kylian Mbappe na Edinson Cavani.

Mu kiganiro aba bombi bagiranye n’abanyamakuru nimugoroba,bavuze ko Angel Di Maria ari umukinnyi mwiza ndetse nta tandukaniro riri hagati ye na Neymar cyane ko bakoranye muri Real madrid.

Zidane yagize ati “Turabizi ko Di Maria ari umukinnyi mwiza ndetse ushobora kunaniza ba myugariro bacu kuko akinana imbaraga kandi yataka cyane gusa twizeye ko abakinnyi bacu bari buze kumuhagarika.

Ramos yemeje ko Di Maria ari umukinnyi mwiza ndetse ko ashobora kuba umusimbura mwiza wa Neymar mu mukino wo kuri uyu wa kabiri.

Ikipe ya Real Madrid igiye gukina uyu mukino ifite impamba ihagije kuko yatsinze PSG ibitego 3-1 mu mukino ubanza ndetse isabwa kudatsindwa ibitego 2-0 uyu munsi.

Ronaldo yatsinze ibitego 2 muri 3-1 batsinze PSG mu mukino ubanza

Uretse umukino uhuza PSG na Real Madrid kuri uyu munsi kuri Parc des Princes,ikipe ya Liverpool irakira ikipe ya FC Porto kuri stade Anfield.

Abakinnyi bashobora kubanza mu kibuga
Paris Saint Germain: Areola; Dani Alves, Marquinhos, Thiago Silva, Kurzawa; Verratti, Thiago Motta, Rabiot; Mbappé, Cavani, Di María.

PSG ifite akazi kenshi uyu mugoroba

Real Madrid: Navas; Carvajal, Ramos, Varane, Marcelo; Casemiro, Kovačić, Isco; Bale, Benzema, Ronaldo.