Zidane yiyemeje kugurisha abakinnyi 3 babanza mu kibuga kugira ngo agure Kylian Mbappe
Yanditswe: Saturday 06, Apr 2019
Umutoza wa Real Madrid,Zinedine Zidane arashaka kugurisha abakinnyi 3 babanza mu kibuga barimo Gareth Bale, Isco na Toni Kroos kugira ngo agure Kylian Mbappe usanzwe ari kizigenza mu ikipe ya PSG.
Zidane bivugwa ko ashobora guhabwa miliyoni 400 z’amapawundi kugira abashe kugura abakinnyi bakomeye,yahisemo kugabanya umubare w’abakinnyi batagishoboye kugira ngo agure rutahizamu Kylian Mbappe ndetse na Eden Hazard.
Aba bakinnyi bose Zidane ashaka kurekura,bafite amasezerano azbageza mu mwaka wa 2022 ariyo mpamvu bizagorana kubagurisha nibaramuka babuze amakipe meza berekezamo.
Uretse aba bakinnyi,biravugwa ko mu ikipe Real Madrid hazacishwamo umweyo bamwe mu bakinnyi badatanga umusaruro n’abashaje bazasezererwa hakazanwa abashya.
Kugeza ubu ikipe ya Real Madrid yamaze kugura myugariro Militao mu ikipe ya FC Porto kugira ngo aze gufatanya na Ramos na Varane.
Uretse aba bakinnyi 3 byavuzwe ko Real Madrid ishaka kurekura,abandi barimo Marcelo,Casemiro na Varane nabo bashobora kuzagurishwa.
Zidane yiyemeje kugurisha abakinnyi bakomeye kugira ngo agure Mbappe
Leave a Reply
Your email address will not be published. Required fields are marked *