Umutoza Seninga Innocent uherutse kongererwa amasezerano n’ikipe ya Police FC ku wa mbere taliki ya 17 Nyakanga uyu mwaka,yahawe inshingano zikomeye zirimo gutwara igikombe cya Shampiyona ndetse no kubaka ikipe ikomeye ishobora kwitwara neza mu marushanwa mpuzamahanga.
Mu kiganiro Kirambuye Umuryango wagiranye n’umunyamabanga akaba n’umuvugizi wa Police FC CIP Mayira Jean de Dieu nyuma yo kumenya aya makuru, yadutangarije ko kongerera amasezerano umutoza Seninga byari bikwiriye kuko (...)

Sponsored Ad

Umutoza Seninga Innocent uherutse kongererwa amasezerano n’ikipe ya Police FC ku wa mbere taliki ya 17 Nyakanga uyu mwaka,yahawe inshingano zikomeye zirimo gutwara igikombe cya Shampiyona ndetse no kubaka ikipe ikomeye ishobora kwitwara neza mu marushanwa mpuzamahanga.

Mu kiganiro Kirambuye Umuryango wagiranye n’umunyamabanga akaba n’umuvugizi wa Police FC CIP Mayira Jean de Dieu nyuma yo kumenya aya makuru, yadutangarije ko kongerera amasezerano umutoza Seninga byari bikwiriye kuko yabagaragarije ko ari umutoza w’umuhanga ndetse bagiye gufatanya nawe kugira ngo bateze imbere iyi kipe.

Yagize ati “Seninga twamuhaye imyaka 3 kugira ngo dutware ibikombe duhereye ku bizakinirwa mu mwaka w’imikino utaha.Ikipe ya police FC n’ikipe ihatanira ibikombe kandi ifite abakinnyi beza niyo mpamvu tugenda dukora impinduka kugira ngo ikomeze yitware neza yaba mu Rwanda no hanze yarwo.”

Ku bijyanye n’abakinnyi ,uyu munyamabanga yadutangarije ko iyi kipe yahaye uburenganzira Seninga bwo kwishakira abakinnyi beza ndetse ko benshi mu bo yifuzaga yamaze kubabona ku buryo nta kabuza umwaka w’imikino utaha Polic FC izaba imeze neza.

Yagize ati “Icy’ingenzi ni uko umutoza dufite twamuhaye uburenganzira bwo kwishakira abakinnyi beza kuko niwe ubazwa umusaruro,abakinnyi 7 yadusabye twarabamuhaye kandi ubuyobozi bugiye gukomeza gushyiramo imbaraga mu gufasha ikipe nkuko byari bisanzwe.”

Ikipe ya Police Fc yarangije ku mwanya wa 2 muri shampiyona ishize yitezweho byinshi, cyane ko yamaze gusinyisha abakinnyi batandukanye barimo Munezero Fiston na Nsengiyumva Moustapha bavuye muri Rayon Sports, Iradukunda Bertrand na Nzabanita David baturutse muri Bugesera FC, Ishimwe Issa Zapy ndetse igarura Usabimana Olivier yari yaratije mu ikipe ya Marines FC.

.