Kabuhariwe Zinedine Zidane ashobora gutangazwa nk’umuyobozi mushya w’imikino muri Juventus bishobora gutuma yongera guhura na rutahizamu Cristiano Ronaldo nawe uherutse kuyerekezamo bakoranye muri Real Madrid.

Sponsored Ad

Zidane uherutse gusezera muri Real Madrid nyuma y’imyaka 2 n’igice ayitoza, nta kazi afite muri iyi minsi akaba ariyo mpamvu biri kuvugwa ko agiye kuba umuyobozi w’imikino muri Juventus yakiniye kuva mu mwaka wa 1996 kugeza 2001 akayivamo yerekeza muri Real Madrid aguzwe akayabo ka miliyoni 71 z’amayero.

Nyuma yo gusimbura Rafael Benitez ku ntebe y’ubutoza bwa Real Madrid mu mwaka wa 2016,Zidane yagize ibihe byiza muri iyi kipe y’ubukombe ayifasha gutwara ibikombe 3 bya UEFA Champions League na La Liga imwe.

Zidane azayobora ikijyanye n’imikino cyose muri Juventus aho azaba anakuriye umutoza Maximiliano Allegri uherutse kongera amasezerano yo kuguma muri iyi kipe.
Zidane yakiniye Juventus imikino 209 ayitsindira ibitego 31 mu myaka 6 yamaze ayikinira aho yayifashije gutwara Serie A ebyiri.