Umutoza wa Real Madrid,Zinedine Zidane,yamaze gukora urutonde rw’abakinnyi 14 yiteguye kwirukana mu ikipe ya Real Madrid kugira ngo abone amafranga yo kuzana ibikomerezwa,barangajwe imbere na Gareth Bale.

Sponsored Ad

Mu rugamba rwo kwiyubaka bushyashya,Real Madrid irashaka kurekura abakinnyi 14 kugira ngo igure Paul Pogba,Eden Hazard n’abandi bataratangazwa.

Mu mwaka w’imikino ushize,ikipe ya Real Madrid yarandagajwe cyane yaba muri La Liga no muri UEFA Champions League ariyo mpamvu iri gukora ibishoboka byose kugira ngo irebe ko yakwiyubaka ikongera gutwara ibikombe.

Mu bakinnyi 14 bagiye kwirukanwa harimo Keylor Navas,Jesus Vallejo, Theo Hernandez,Sergio Reguilon,Dani Ceballos, Marcos Llorente, Mateo Kovacic, James Rodriguez, Martin Odegaard,Oscar Rodriguez,Gareth Bale, Lucas Vazquez, Brahim Diaz na Mariano Diaz.

Nkuko ikinyamakuru Marca kiba hafi ya Real Madrid cyabitangaje Real madrid irashaka kugura abakinnyi bashya barimo Eden Hazard, Paul Pogba,Luka Jovic na Ferland Mendy.

Abakinnyi 19 nibo bizeye ko bazakorana imyitozo itegura umwaka w’imikino utaha n’umutoza Zinedine Zidane mu gihe abandi bo babwiwe ko bagomba kwishakira amakipe.

James Rodriguez,Bale na Navas mu bakinnyi bashobora kwirukanwa na Zidane