Kigali

Zinedine Zidane yasuzuguye cyane Gareth Bale bibabaza abakunzi ba ruhago

Imikino   Yanditswe na: Dusingizimana Remy 19 May 2019 Yasuwe: 5214

Umutoza wa Real Madrid,Zidane, yasuzuguye cyane Gareth Bale wari wamusabye ko yamukinisha ku mukino wa nyuma bagombaga kwakira Real Betis kuri iki Cyumweru kugira ngo asezere ku bafana arabyanga,bituma uyu rutahizamu yivumbura ajya mu rwambariro atifatanyije na bagenzi be gushimira abafana nyuma y’umukino.

Bale wari wifuje gusezera abafana akina umukino wa nyuma Real Madrid yakiniye ku kibuga Santiago Bernabeu muri uyu mwaka w’imikino igatsindwa na Real Betis ibitego 2-0,ubusabe bwe bwanzwe na Zidane wamugumishije ku ntebe y’abasimbura,iminota 90 irangira adakinnye.

Ntabwo Bale yashimishijwe nibyo yakorewe na Zidane,ifirimbi ya nyuma ikimara kuvuga yahise yinjira mu rwambariro,ntiyifatanya na bagenzi be kuzenguruka ikibuga bashimira abafana bababaye hafi muri uyu mwaka w’imikino wabagendekeye nabi cyane.

Umutoza Zidane yabwiye abanyamakuru nyuma y’umukino ko niyo aza kuba yemerewe gusimbuza umukinnyi wa kane,atari gushyiramo Gareth Bale.

Zidane ntiyishimiwe n’abakunzi ba ruhago kuko benshi bibutse ibyo yakoreye Real Madrid birimo no kuyihesha UEFA Champions 3 zikurikiranya zirimo iheruka yatsinze ibitego 2 wenyine mu mukino batsinzemo Liverpool ibitego 3-1 I Kiev.

Bale yababajwe no gusuzugurwa na Zidane muri ubu buryo,byatumye benshi bemeza ko agomba gusohoka muri Real Madrid muri iyi mpeshyi aho yifuzwa n’amakipe arimo PSG,Manchester United na Tottenham.



Bale yarakariye Zidane wamwimye amahirwe yo gusezera ku bafana ba Real Madrid

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports yamaze gusezerera Niyonzima Olivier Sefu na Manzi...

Ubuyobozi bwa Rayon Sports bumaze gushyira hanze amabaruwa yemeza ko...
17 June 2019 Yasuwe: 485 0

TP Mazembe yongeye gutumirwa muri CECAFA I Kigali nyuma y’amahano iheruka...

Ikipe ya TP Mazembe iheruka gukorera amahano I Kigali muri 2010 ubwo...
17 June 2019 Yasuwe: 1490 1

Manzi Thierry yavuze byinshi ku kibazo cy’agahimbazamusyi katumye banga...

Kapiteni wa Rayon Sports,Manzi Thierry yemeje ko we na bagenzi be banze...
17 June 2019 Yasuwe: 2695 2

Umuherwe w’ikipe ya Paris Saint Germain mu buryo butunguranye yashyize ku...

Umuherwe w’ikipe ya Paris Saint Germain Umunya-Qatar Nasser Al-Khelaifi,...
17 June 2019 Yasuwe: 2351 0

Paul Pogba yarakariwe n’abafana ba Manchester United kubera ibyo...

Umukinnyi wa Manchester United Paul Pogba,yatumye benshi mu bakunzi bayo...
17 June 2019 Yasuwe: 2096 0

Xavi yatangaje ingeso mbi yokamye Lionel Messi ku buryo atashobora...

Uwahoze ari kapiteni wa FC Barcelona ndetse wayubatsemo amateka akomeye,...
17 June 2019 Yasuwe: 4553 1