Rutahizamu ukomoka muri Sweden Zlatan Ibrahimovic yatunguye abakunzi ba ruhago kubera zina yiyise nyuma yo gutsinda igitego cya 500 mu mateka ye,aho yiyise “Imana y’ibitego”.

Sponsored Ad

Ku wa gatandatu nibwo Ibrahimovic yatsinze igitego cy’ubuhanga cyane mu mukino ikipe ye ya LA Galaxy yatsinzwemo ibitego 5-3 na Toronto,bituma ageza ku mubare w’ibitego 500 amaze gutsinda kuva yatangira gukina ruhago.

Abinyujije ku rubuga rwe rwa Twitter, Ibrahimovic yatangarije isi yose ko ari imana y’ibitego nyuma yo kwinjiza iki gitego cya 500.

Zlatan yaciye ibintu ku mbuga nkoranyambaga aho benshi bari guhererekanya amashusho y’iki gitego kidasanzwe yatsinze Toronto gusa benshi bagarutse ku buhanga bw’uyu munya Sweden mu gutsinda ibitego.

Ibrahimovic yatsinze ibitego 18 muri Malmo, 48 muri Ajax, 26 muri Juventus, 66 muri Inter Milan, 22 muri Barcelona, 56 muri AC Milan, 156 muri Paris Saint-Germain, 29 muri Manchester United na 62 yatsindiye igihugu cya Sweden.

Ibrahimovic yiyunze kuri Lionel Messi na Cristiano Ronaldo mu bakinnyi bamaze gutsinda ibitego 500 bagikina ruhago.


Zlatan yiyise imana y’ibitego nyuma yo gutsinda igitego cya 500