Abana b’ababyinnyi bagize itsinda ’Triplets Ghetto Kids’ bamenyekanye cyane mu mashusho y’indirimbo ’Sitya Loss’ ya Eddy Kenzo bazabyina mu birori bikomeye bya BET 2017 bizabera mu mujyi wa Los Angeles muri California.
Ibirori bya BET Awards 2017 bizaba tariki ya 25 kamena uyu mwaka mu nzu isanzwe yakira ibitaramo bikomeye bya Microsoft Theatre muri Los Angeles. Iri tsinda rya Ghetto kids ryamenyekanye mu mwaka wa 2014 ubwo babyinaga mu ndirimbo ya Eddy Kenzo.
Aba bana bazaba bari ku rubyiniro (...)

Sponsored Ad

Abana b’ababyinnyi bagize itsinda ’Triplets Ghetto Kids’ bamenyekanye cyane mu mashusho y’indirimbo ’Sitya Loss’ ya Eddy Kenzo bazabyina mu birori bikomeye bya BET 2017 bizabera mu mujyi wa Los Angeles muri California.

Ibirori bya BET Awards 2017 bizaba tariki ya 25 kamena uyu mwaka mu nzu isanzwe yakira ibitaramo bikomeye bya Microsoft Theatre muri Los Angeles. Iri tsinda rya Ghetto kids ryamenyekanye mu mwaka wa 2014 ubwo babyinaga mu ndirimbo ya Eddy Kenzo.

Aba bana bazaba bari ku rubyiniro rumwe na Mary J Blige, A$AP Rocky, Maxwell, Gucci Mane n’abandi benshi bakomeye muri muzika ya Leta zunze ubumwe za Amerika.

Aba bana bari baherutse gukorana indirimbo n’umuraperi French Montana

Ibi birori bya BET Awards bihuza abantu mu ngeri zitandukanye bahuriye mu myidagaduro harimo muzika, imikino, abakora kuri Televiziyo ndetse n’abakina Filime bazahembwa bashingiye kuri Filime zasohotse kuva tariki ya 01 Mata 2016 kugeza tariki ya 31 Werurwe 2017.

Aba bana bagize ’Triplets Ghetto Kids’ baherukaga kugaragara mu mashusho y’indirimbo yitwa ’Unforgettable’ yahuriwemo n’umuraperi French Montana n’umuhanzi Swae Lee uri mu bari kwigaragaza muri Leta Zunze Ubumwe za Amerika.

Mu byumweru bibiri gusa, amashusho y’indirimbo French Montana yakoranye n’aba bana bazwi nka ’Ghetto Kids’ yari amaze kurebwa n’abantu barenga miliyoni 20 ashyizwe ku rubuga rwa Youtube.

French Montana Feat. Swae Lee "Unforgettable" Dance Video (Uganda, Africa)