Abantu bakoresha indirimbo z’abahanzi b’abanyamahanga mu Rwanda bagiye kujya bazishyurira

Imyidagaduro   Yanditswe na: Muhire Jason 29 September 2018 Yasuwe: 585

Ubuyobozi bw’Ishyira ry’Abanditsi mu Rwanda (RSAU) buratangaza ko mu kwezi k’Ugushyingo bazatangira gufatira ibihano abazajya bacuranga ibihango by’abanyamahanga batabiherewe uburenganzira.

Ubusanzwe RSAU yari isanzwe ikurikirana inyungu z’ibihangano by’abanyarwanda byandikishijwe mu mategeko, ndetse abo bahanzi bakaba barahaye uburenganzira iri shyirahamwe, ryiyemeje gufasha abahanzi kubyaza umusaruro umutungo bwite mu by’ubwenge.

Mu Kiganiro na Muhizi Olivier umwe mu bayobozi ba RSAU yadutangarije ko kuri ubu batangiye no gukurikirana inyungu z’abahanzi b’abanyamahanga bafite ibihango bicurangwa mu Rwanda. Ibi babikoze ku bufatanye n’Urugaga Mpuzamahanga rw’Abanditsi (CISAC).

Abazajya bishyura ibihango by’abanyamahanga ni abazajya babikoresha mu ruhame (mu bitangazamakuru, mu tubari, ubukwe, utubyiniro, ibitaramo...)

Muhizi Olivier yongeyeho ko kugeza ubu bamaze kumvikana n’Ikigo cy’Igihugu gishinzwe Iterambere (RDB) ndetse kinaha ibiciro bitandukanye bazajya bakoresha bishyuza.

N’ubwo RSAU yatangiye kwishyuza ibihango by’amanyamahanga bicurangwa mu Rwanda, haracyari abantu benshi babikoresha batishyuye. Muhizi Olivier yavuze ko mu kwezi k’Ugushyingo ari bwo bazatangira kujyana mu nkiko abazaba barenze ku mategeko.

Yagize ati “ turi kugenda gahoro kuko umwaka ushize twasabwe na RDB kugenda gahoro, ngo abantu babanze babyumve ariko igihe bari baduhaye mu by’ukuri cyararangiye mu kwezi kwa Nyakanga, ariko twebwe mu kwezi k’Ugushyingo nibwo tuzatangira gutanga ibirego ku bazaba babirenzeho.”

Amafaranga RSAU izajya ikusanya izajya iyohereza mu bihugu abo bahanzi babarizwamo, bikaba ari nako bizajya bigenda ku bahanzi b’abanyarwanda bakoresherejwe ibihangano byabo mu mahanga. Abahanzi bazishyurizwa ni abasanzwe bakorana n’amashyirahamwe y’abanditsi bo mu bihugu bitandukanye.

Ibi bishobora kutazapfa koroha mu gihe mu Rwanda hasanzwe hari amategeko agamije kurengera umutungo mu by’ubwenge ariko abahanzi bakaba badahwema gutaka ko ntacyo ibihangano byabo bibamariye.

Ku rundi ruhande ni imwe mu nzira zo guteza imbere umuziki nyarwanda, ahanini bivugwa ko udatera imbere kuko hari abantu bicurangira izo mu mahanga cyane kuruta izakorewe mu Rwanda.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Davido agiye gufasha Bobi Wine mu matora yo kwiyamamariza kuba Perezida...

Umuhanzi ukomeye muri Nigeria David Adedeji Adeleke wamamaye mu ruhando rwa...
16 February 2019 Yasuwe: 1079 0

ShaddyBoo yibasiwe bikomeye nyuma yo gusiga umugani muri Kenya aho...

Ku munsi w’abakundana wabaye tariki 14 Gashyantare 2019 Mbabazi Shadia ,...
16 February 2019 Yasuwe: 4236 0

Amashusho mashya y’umuhanzi R. Kelly ari gukorana imibonano mpuzabitsina...

Umuhanzi w’igihangange mu njyana ya RnB, R. Kelly nta kindi kintu akomeje...
16 February 2019 Yasuwe: 5467 0

Bruce Melodie yagaragarije abantu uko afata umugore we[AMAFOTO]

Bruce Melodie umwe mu bahanzi nyarwanda barimbimba mu njyana ya Rnb na Pop...
16 February 2019 Yasuwe: 2157 0

Nyuma y’imyaka 10 Kayitare Wayitare Dembe atumvikana mu muziki nyarwanda...

Umuhanzi Nyarwanda Kayitare Emmanuel uzwi ku izina rya Kayitare Wayitare...
16 February 2019 Yasuwe: 3044 0

Zari yerekanye impano z’agatangaza yahawe n’umukunzi we mushya[AMAFOTO]

Zari Hassan yashyize hanze amafoto agaragaza impano z’agatangaza yahawe...
16 February 2019 Yasuwe: 5467 2