Akazi Meghan Markle na Prince Harry bagiye gusimbuza kuba I Bwami kamaze kumenyekana

Imyidagaduro   Yanditswe na: Dusingizimana Remy 20 January 2020 Yasuwe: 8629

Ibinyamakuru byose byo mu Bwongereza biri kugaruka cyane ku gikomangoma Harry cyemeye kuva I Bwami kigakurikira umugore wacyo Meghan mu gihugu cya Canada aho ngo bagiye gushing TV ndetse na kompanyi itunganya amafilimi.



Urukundo Harry yakunze Meghan rukomeje kubera benshi urujijo kuko bijya gutangira uyu mugore yatwaye umutima iki gikomangoma cy’Ubwongereza kandi yari amaze imyaka mike atandukanye n’umugabo we,icya kabiri amuruta mu myaka ndetse uyu mugore yagiye avugwa cyane mu nkuru zo guca inyuma uwo bashakanye.

Uyu mwaka watangiranye amakuru y’uko aba bombi batacyifuza kuba I Bwami ahubwo bashaka kujya kwigenga bagakoresha ubuzima bwabo uko babishaka.

Kuwa Gatandatu nijoro nibwo umwamikazi w’Ubwongereza yabemereye kuva I bwami bakerekeza aho bashaka gusa babwirwa ko batazongera gukoresha amazina yabo y’icyubahiro ndetse batazongera kubona ku mafaranga rubanda rutanga mu gufasha ubwami bw’ubwongereza n’ibindi.



HARRY na Meghan basanzwe ari ibyamamare,biyemeje kujya gutangirira ubuzima bushya muri Canada aho ibinyamakuru byose byo muri UK byatangaje ko ngo bagiye kwiyegurira Cinema nkuko Meghan yabikoraga mbere yo gushyingiranwa na Harry muri 2018.

Daily Mail ivuga ko aba bombi bagiye kujya bakora amafilimi mbarankuru [documentaries] zivuga ku mihindagurikire y’ikirere ndetse no ku burwayi bwo mu mutwe.

Muri Nyakanga umwaka ushize,Harry yagaragaye ari kumwe na Meghan hamurikwa agace gato ka The Lion King aho bikekwa ko ari byo barimo kwimenyereza.



Amakuru avuga ko Harry na Meghan basinye amasezerano y’imikoranire na Netflix yo gukora Filimi asa neza nk’ayo umuryango wa Obama ufite.

Aya masezerano ya Netflix aratuma Harry na Meghan biyubaka kuko basabwe kwishyura miliyoni 2.4 z’amapawundi yakoreshejwe mu kubaka ingoro babagamo ya Frogmore Cottage.

Bamwe mu nzobere z’imibereho y’i Bwami bavuze ko Meghan yashakanye na Harry n’ubundi adafite gahunda yo kuba muri uyu muryango ahubwo ngo yanze gutera ishoti aya mahirwe yari abonye ariko akomeza kurarukira gukina filimi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Icyamamare muri Sinema Nyaniso Dzedze yasabye ko umugore we wafashwe avuye...

Icyamamare muri sinema muri Afurika y’Epfo, Nyaniso Dzedze, aratabaza...
25 March 2020 Yasuwe: 6803 0

Ronaldinho yeretswe urukundo rudasanzwe n’imfungwa bafunganwe muri Paraguay...

Uwahoze ari umukinnyi w’icyanmamare mu mupira w’amaguru Ronaldinho yagaragaye...
22 March 2020 Yasuwe: 4227 0

Eddy Kenzo yatakambye asaba ubufasha ngo asubire muri Uganda nyuma yo...

Umuhanzi wo muri Uganda Idrisa Musuuza uzwi ku izina rya Eddy Kenzo yaheze...
22 March 2020 Yasuwe: 2419 0

Diamond n’abakozi be bose bo muri Wasafi bashyizwe mu kato

Perezida wa WCB, Diamond Platnumz hamwe na bamwe mu bakozi bayo bashyizwe...
21 March 2020 Yasuwe: 2729 0

Raquel Murillo wakunzwe muri La Casa de Papel yanduye Coronavirus

Umugore witwa Itziar Ituño Martínez wamenyekanye muri Filimi ya La Casa de...
21 March 2020 Yasuwe: 2200 0

Winnie Nwagi umuhanzikazi wo muri Uganda yarakariye bikomeye umufana...

Umuhanzikazi wo muri Uganda ’Winnie Nwagi’ ubarizwa muri label ya Swangz...
20 March 2020 Yasuwe: 3223 0