startimes

Alain Mukurarinda yatse akayabo k’amafaranga ubuyobozi bw’umujyi wa Kigali bwateguye ibitaramo by’ubuntu bizajya biba buri kwezi kugira ngo Igisupusupu azaririmbemo

Imyidagaduro   Yanditswe na: Martin Munezero 25 July 2019 Yasuwe: 7350

Umuyobozi wungirije w’Umujyi wa Kigali ushinzwe imari n’iterambere ry’ubukungu, Busabizwa Parfait, atangaza ko hashyizweho gahunda y’igitaramo ngarukakwezi kizajya kibera muri Car free zone muri gahunda yo gufasha abanyamujyi kwidagadura.



Iyi gahunda izatangira kuri uyu wa Gatanu, aho abahanzi bazwi mu Rwanda bazabibumburira abandi mu gususurutsa igitaramo.

Ati “Guhera ku wa Gatanu tuzatangira gahunda ngarukakwezi y’igitaramo, ni muri gahunda yo gufasha abanyamugi kwidagadura, iki akaba ari cyo gihe kiza kuko abanyeshuri bari mu biruhuko.”

Avuga ko ubusanzwe abaturage b’Umijyi wa Kigali bakeneye gusabana, guhura no kuganira, iki gitaramo kikaba kizabibafashamo.

Kuba iyi gahunda itangiriye muri ‘Car free zone’ ngo si uko ari ho honyine byabera, ngo ahubwo mu gihe kizaza gahunda imaze kumenyerwa bazagenda babijyana n’ahandi mu bindi bice by’umujyi.

Avuga ko iyi gahunda izakenera ingengo y’imari ingana na miriyoni 20, nko gushyiraho urubyiniro no kwishyura abahanzi.

Iki gitaramo kizajya gitangira saa kumi n’imwe z’umugoroba abakozi basoje imirimo kugeza saa tatu, kizajya gisusurutswa n’abahanzi 3 bazajya basimburana n’abandi.

Avuga ko ibi bizanafasha mu iterambere ry’abahanzi kuko batazasusurutsa abaturage b’Umujyi wa Kigali ku buntu, ko ahubwo bazajya bishyurwa.

Iki gitaramo ni ubuntu, nta muntu uzishyuzwa, akaba asaba abatuye umujyi wa Kigali kukitabira bahereye kuri uyu wa Gatanu, tariki 26 Nyakanga 2019.

Byari biteganyijwe ko abahanzi Bruce Melodie, Makanyaga Abdul, Nsengiyumva ‘Igisupusupu’, n’Itorero Iganze aribo bazaririmba muri iki gitaramo cyo kuri uyu wa Gatanu ariko Alain Mukuralinda yatangaje ko Nsengiyumva Francois ‘Igisupusupu’ atazaririmba mu bitaramo byateguwe n’Umujyi wa Kigali, kubera ko nta bwumvikane bwigeze bubaho ku mpande zombi mbere y’uko bishyirwa mu itangazamakuru.

Alain Mukuralinda yavuze ko bamuhamagaye bakamumenyesha ko hari gahunda iri gutegurwa n’umujyi wa Kigali kandi ko bakeneye kwifashisha umuhanzi we ariko yagira ibyo abasaba ntibamusubize bituma afata uwo mwanzuro kuko asanga iyo mikoranire idahwitse.

Yagize ati “…Hagati ya saa cyenda na saa kumi narebye muri telefoni mbona umugabo witwa Alpha yambuze nyuma ndamuhamagara arambwira ati ‘nakubuze twifuzaga Francois mu Mujyi wa Kigali hagiye kujya haba ibitaramo mu mpera z’ukwezi muri Car Free zone ati none twashakaga Francois’.”

Mukuralinda yabwiye Alpha ko niba bifuza gukoresha Nsengiyumva bagomba kwishyura 500,000 Frw.Yungamo ati “Ndabanza ndamubaza nti mufite Dj, mufite ibyuma, mufite stage ambwira yego kubera ko njyewe iyo utabifite agiye gukora ‘playback’ tujya mu biciro.Ndamubwira nti noneho niba ari ibyo ng’ibyo mubifite muzategure ibihumbi Magana atanu (500,000Frw) iyo message ntabwo yigeze ayisubiza.”

Mukuralinda avuga ko byageze saa tanu z’ijoro ry’uyu wa Gatatu ntacyo baremeza hagati ye n’Umujyi wa Kigali ari nayo mpamvu umuhanzi we atazaririmba muri ibi bitaramo

Nsengiyumva Francois wamamaye nka ‘Igisupusupu’ agezweho! Indirimbo ze ebyiri ‘Mariya Jeanne’ na ‘Icanga Mukobwa’ zamukuye i Gatsibo aririmbira umubare munini w’abafana wakunze umuduri we.Yahawe umwihariko wo kurirmba mu bitaramo byose bya ‘Iwacu Muzika Festival’.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble fahad

    ntabukene dufite ko mubona amafaranga yo kugura ama unit MBS aya gatama ayi myenda. mwishure icyo nzi cyo nabandi nibazaza.

    July 2019
  • chat_bubble fahad

    umwanya mutwara mutegura ibihangano byanyu natwe tuba turimo gushaka amafaranga ibyubuntu bitera ubwenge buce. babishure nibatabishobora mubihorere. ndabashigikiye kbs ibihangano nibyanyu.

    July 2019
  • chat_bubble Umukanda

    Abanyarwanda turakennye kabisa. Ngo ibihumbi 500 ni akayabo. Birerekana imishahara ba giseseka babayemo kuko bake bo tuzi ko ayo ari bonbon gusa.

    July 2019
  • chat_bubble Lukuta

    Hanyumase byabaye cyangwa byaferinze?

    July 2019
  • chat_bubble chris

    None se 500 mille ni yo mwose akayabo?

    July 2019
  • chat_bubble ngabo

    Ariko yee igisupusupu nawe mwamugize igitangaza yee arorere ababyemeye baze badushimishe

    July 2019
  • chat_bubble Benjamin

    ariko mwagiye mureka gukabiriza ibintu!! a mafaranga 500,000 ni akayabo ukurikije iki ???

    July 2019

Inzindi nkuru

Icyamamarekazi Katie yatunguranye avuga uburyo yifuza ko umwana we yapfa...

Katrina Amy Alexandra Alexis, umunyamideli akaba n’umunyamakuru mu...
8 July 2020 Yasuwe: 1421 0

Reba urutonde rushya rw’ibyamamare/kazi 10 byinjiza agatubutse kuri...

Icyamamare Dwayne Johnson uzwi cyane nka The Rock, umukinnyi wa filimi...
7 July 2020 Yasuwe: 2116 0

Justin Bieber yatunguranye ashimira Yesu Kirisitu nyuma y’imyaka myinshi...

Umuhanzi ukunzwe cyane muri Leta Zunze Ubumwe za Amerika, Justin Bieber,...
6 July 2020 Yasuwe: 2126 1

Umwali Jennifer w’imyaka 10 yagaragaje impano idasanzwe afite ubwo...

Umwana muto w’imyaka 10 witwa Umwali Uwase Jennifer ukina muri Filimi...
6 July 2020 Yasuwe: 2257 0

Vanessa Mdee uherutse gutangaza ko ahagaritse umuziki yihanangirije abavuga...

Umuhanzikazi Vanessa Mdee ukomoka mu gihugu cya Tanzania kuri ubu akaba...
6 July 2020 Yasuwe: 1513 0

Ali Kiba yatandukanye n’umuyobozi we w’umugore nyuma y’amezi 8...

Umuyobozi mukuru wa King Music Record Label, Ali Saleh Kiba uzwi cyane ku...
6 July 2020 Yasuwe: 2013 0