Aline wakundanaga n’umuraperi P-Fla yavuze byinshi ku rukundo rwabo ndetse anasobanura uburyo ngo adashobotse

Imyidagaduro   Yanditswe na: Martin Munezero 4 July 2019 Yasuwe: 3253

Aline Umutoni yatangaje ko P Fla amunaniza cyane mu mikorere ye kuko adakora akazi nk’uko bikwiye, kandi ko igihe cyose akenewe ataboneka, ndetse anavuga ko urukundo hagati yabo rwajemo agatotsi.

Mu kiganiro Aline Umutoni uherutse gushinga inzu y’umuziki agashyiramo umuhanzi umwe gusa ari we P Fla, yatangarije Isimbi ko P Fla adashobotse, ko amunaniza kubera ko uko amushatse atamubona kandi bafitanye imishinga myinshi.

Yagize ati: “Kumara igihe umuntu adakora ni ikibazo gikomeye. P Fla twari dufitanye imishinga myinshi y’indirimbo zigomba gushyirwa hanze harimo n’izo afitanye n’abandi bahanzi, ahubwo yarananije kuko nakoze ibishoboka byose ngo tunoze iyo mishinga ariko we ntaboneke. Ibyo byatumye mpitamo kujya mu bindi binyinjiriza kuko buri wese areba ikimuzanira inyungu, niba kimwe cyanze ugashaka ikindi. Gukorana n’umuntu hagashira amezi arenga abiri mudahura biba ari ikibazo.”

Yakomeje avuga ko hari igihe ibintu bigera ukumva ko amazi yarenze inkombe, gusa ngo P Fla agomba gutekereza neza agakora ikimufitiye akamaro kuko ngo ari umuntu mukuru kandi uzi byinshi.

Mu minsi ishize P Fla yatangaje ko Aline Umutoni uretse kuba ari ‘boss’ we ari n’inshuti ye, gusa Aline abajijwe niba urukundo rwe na P Fla na rwo rwaba rwarasinziriye, yavuze ko nta kintu yabivugaho, ngo icyabaye ni agatotsi kaje mu nzu ye itunganya umuziki.

Yagize ati: “Ibyo nta kintu na kimwe nabivugaho, icyabaye ni uko harimo agatotsi mu nzu itunganya umuziki, ntibyagenze neza kuko hari ibyo tutumvikanye. Urabona iyo umuntu ari kuvomera mu kiva biragora kucyuzuza. P Fla agomba gukora akareka imyitwarire ye itari myiza kuko uko yatangiye si ko akimeze, hari uko agomba kugaragara imbere y’abantu kubera ko umuhanzi wese ni inyenyeri rubanda bareberaho.”

Aline Umutoni yavuze kandi ko agomba kuzashaka P Fla bakaganira nk’umuntu umukeneye bakagira ibyo bumvikanaho n’ubwo ngo kumubona bigoye.

Yagize ati: “Nk’umuntu twabanaga umunsi ku munsi tugomba kwicara tukaganira na P Fla, nzamushaka nk’umuntu umukeneye n’ubwo ashobora kutanyumva mu buryo bumwe cyangwa ubundi. Ikindi kandi nk’umuntu twakoranye numva agomba kureka kwirirwa aterana amagambo na Ama G akava mu matiku ahubwo agakora ibikorwa bimuteza imbere. Turimo turakura bityo tugomba kureba ikiduteza imbere no gufashanya mu bikorwa bitandukanye tukareka icyazana umwiryane.”

Ikintu cy’ingenzi Aline yifuza kuri P Fla ngo ni ukuzamubona mu ishusho itandukanye n’iyo amubonamo ubu, ngo akaba umuntu wiyubashye, ufite intumbero nziza kandi utekereza ibikorwa by’iterambere.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kanye West yatunguranye aza imbere ya Jay-Z ku rutonde rw’Abaraperi 20...

Ni ku urutonde rushya rugaragaza abaraperi bakize kurusha abandi ku Isi...
20 September 2019 Yasuwe: 1426 0

Umuraperi Fireman mu rubyiruko 1,678 rwasoje amasomo rwari rumazemo umwaka...

Umuraperi Uwimana Francis uzwi nka Fireman, wagiye yiyita Godson,...
20 September 2019 Yasuwe: 1374 0

Ndimbati waciye ibintu kubera kwambara ingutiya y’abagore yahishuye ko hari...

Ni nyuma y’iminsi mike Umukinnyi wa Filime nyarwanda , Ndimbati agaragaye...
20 September 2019 Yasuwe: 3413 1

Reba ingamba Wema Sepetu na Hamisa Mobeto bafashe nyuma yo gutandukana na...

Abakobwa babiri Hamisa Mobeto na Wema Sepetu bakomoka muri Tanzania,...
20 September 2019 Yasuwe: 3528 2

Ali Kiba yavuze ku bivugwa ko urugo rwe rugeze aharindimuka nyuma y’umwaka...

Umuhanzi ukundwa na benshi muri Tanzania,Ali kiba yatangaje ko we n’umufasha...
20 September 2019 Yasuwe: 2197 0

Rwabuze gica hagati ya Bruce Melodie na Sunny bapfa indirimbo...

Mu minsi ishize nibwo umuhanzikazi Sunny yashyize ahagaragara avuga ukuntu...
19 September 2019 Yasuwe: 4551 1