Alpha Blondy yakoze ubukwe mu ibanga rikomeye n’umuzungukazi w’umunyamakuru yateye inda bakikijwe n’Imbwa n’Akanyamasyo[AMAFOTO]

Imyidagaduro   Yanditswe na: Martin Munezero 26 April 2019 Yasuwe: 4483

Umunyamuziki w’icyamamare ku Isi ukomoka muri Côte d’Ivoire, Seydou Koné wamamaye nka Alpha Blondy mu muziki , yakoze ubukwe bw’agatangaza n’umukobwa witwa Aelissa Darragi usanzwe ari umunyamakuru kuri Radiyo ye yitwa ‘Bl Alpha Blondy FM’.

Mu bukwe bwaba bombi nubwo bwabaye mu ibanga rikomeye mu mafoto make yagiye hanze Alpha Blondy na Aelissa Darragi bakikijwe n’imbwa ndetse n’akanyamasyo. Ubusanzwe mumuco wo muri Côte d’Ivoire akanyamasyo gasobanuye uburumbuke cyane ko umugore anatwite, Imbwa ivuga ubudahemuka mu muco wabo.

Alpha Blondy asanzwe afite umugore n’abana. Ibinyamakuru bitandukanye byo muri Cote d’Ivoire bivuga ko uyu mukobwa wakoze ubukwe na Alpha Blondy atwite .

Uby’ubu byamenyekanye bitinze dore ko byari ibanga gusa byaje kumenyekana ko bwabaye ku wa 21 Mata 2019 arushingana n’umukobwa w’umuzungu usanzwe ari umukozi we kuri Radio ye. Uyu mukoba witwa Aelissa Darragi wakoze ubukwe na Alpha Blondy, nyina avuka muri Tunisie, Se akaba uwo mu Butaliyani.

Uyu muhanzi w’ikirangirire ku Isi yabonye izuba ku wa 01 Mutarama 1953, avukira i Dombokro. Ni umuhanzi wiyeguriye injyana ya Reggae w’umuririmbyi w’umwanditsi w’indirimbo, yagwije ibigwi mu gihe amaze mu muziki.

Indirimbo ze yazubakiye kuri Politiki n’ubuzima busanzwe, aziririmba mu ndimi zitandukanye zirimo; Dioula, Igifaransa n’Icyongereza rimwe na rimwe akanakoresha Icyarabu.

Alpha Blondy yakunzwe mu ndirimbo zitandukanye nka “Guerre Civile”, “Jerusalem” , “Brigadier Sabari”, “Journalistes en danger” n’izindi. Mu bihe bitandukanye yagiye agera mu Rwanda mu bitaramo n’ibirori yabaga yatumiwemo nka Kigali Up Music Festival n’ibindi.

Amaze gushyira hanze alubumu nka: Jah Glory! (1982), Cocody Rock!!! (1984), Apartheid Is Nazism (1985), Jérusalem (1986), Revolution (1987), The Prophets (1989), S.O.S Guerre Tribale (1991) n’izindi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Mu bintu bidushimisha cyane mu buzima,harimo ubukwe no kubyara.Byombi ni IMPANO y’Imana. Gusa tugomba kwibuka ko Imana ishaka ko Umugore n’Umugabo "baba umubiri umwe" nkuko Intangiriro 2:24 havuga.Ikibabaje nuko ababyubahiriza ari bake.Benshi bacana inyuma,bararwana,baricana,ndetse bagatandukana.Ikibabaje nuko amadini amwe akavuga ngo Imana yemera Polygamy (gutunga abagore benshi).Ntabwo aribyo kubera ko bitera ibibazo mu ngo kandi Yesu yarabitubujije.Turamutse twumviye amategeko y’Imana,isi yaba nziza cyane.Gereza,kurwana,intambara,kwiba,ndetse na Police byavaho kubera ko abantu baba bakora ibyo Imana idusaba.Kubera ko abantu bananiye Imana kuva na kera,yashyizeho umunsi wa nyuma kugirango izabakure mu isi,isigaze gusa abantu bayumvira.Byisomere muli Imigani 2 imirongo ya 21 na 22.

    4 weeks ago

Inzindi nkuru

Ellen ufite ikiganiro gikunzwe na benshi ku isi azerekana (Live) umuhango...

Ellen DeGeneres uherutse gusura u Rwanda aho yagiye kubaka ikigo kigamije...
25 May 2019 Yasuwe: 662 0

Umunyarwandakazi Neza yazanye mu Rwanda na wa Muhanzi ukomeye wo muri...

Umunyarwandakazi Neza kuri ubu uri mu rukundo n’umuhanzi Skales ukomoka muri...
25 May 2019 Yasuwe: 3023 0

Umusore ukundana na Mwiseneza Josiane yamenyekanye[AMAFOTO]

Urukundo rugeze hagati y’umusore wiga muri Ines Ruhengeli na Miss...
24 May 2019 Yasuwe: 10008 0

Junior Multisystem yarahiye ko atazareka gukora indirimbo nubwo yaciwe...

Umuhanga mu gutunganya indirimbo z’abahanzi mu buryo bw’amajwi Junior...
24 May 2019 Yasuwe: 4807 0

RIB yataye muri yombi umusore uherutse gusebya umunyamakuru Phil Peter ko...

Mu minsi ishize umusore yibasiye umunyamakuru Phil Peter amushinja kutagira...
24 May 2019 Yasuwe: 4533 0

Utuntu dutangaje twabaye kuri Knowless agitangira umuziki tumusetsa iyo...

Mu tuntu twajyaga tumubaho, Knowless yavuze ko agitangira umuziki yagiraga...
24 May 2019 Yasuwe: 2254 0