addresiya
startimes

Ama G The Black yongeye akongeza umuriro hagati ye na P-Fla aho yanavuze ko nta mubyeyi wakwifuza kumubyara[AMAFOTO]

Imyidagaduro   Yanditswe na: Martin Munezero 22 July 2019 Yasuwe: 1656

Mu minsi yashize umuhanzi P Fla, yibasiye abaraperi bagenzi be Riderman na Amag The Black, avuga ko atari abaraperi ahubwo ko ari abacuruzi.P Fla yavuze ibi hashize iminsi mike Ama G The Black, nawe avuze ko uyu muraperi mugenzi we yihakanye injyana ya Hip Hop.



P Fla yahaye gasopo Ama G, watangaje ko yihakanye iyi njyana amwibutsa ko atigeze akora Hip Hop na rimwe. Icyo gihe yabajijwe injyana yumva Am G The Black yaba akora, P Fla asubiza ko ashobora kuba ari Afro Zouk Pop kuko nta ndirimbo n’imwe yigeze akora ya Hip Hop.

Yanavuze ko hari igihe yigeze gukorana na Ama G The Black indirimbo bise “Nsobanukirwa”, icyo gihe P Fla yagombaga gushyira Ama G The Black mu ikipe ye ya Empire Mafia Land gusa ubwo bakoranaga iyi ndirimbo aza kuvumbura ko buhanga na buke afite mu kurapa ntiyirirwa amwinjiza mu itsinda rye.

Si Ama G gusa P Fla yibasiye kuko yabajijwe niba yemera Riderman nk’umuraperi ukomeye, atangaza ko we amufata nk’umucuruzi cyane ndetse abimwubahira. Riderman wazinutswe ibyo guterana amagambo, nyuma itangazamakuru ryamubajije icyo yabivugaho asubiza ko atata umwana we agira icyo avuga.

Inkundura ya P Fla na Ama G yo yarakomeje kugeza ubwo, Ama G yasinyiye Sheki P Fla AMAG avuga ko ntakindi ashoboye usibye amagambo ahitamo kumwishyurira indirimbo y’amajwi n’amashusho muri studio ngo yerekane indirimbo areke amagambo. P Fla icyo gihe yanze izo sheki avuga ko amurenze.

Mu kiganiro yahaye itangazamakuru kuri uyu wa Gatandatu tariki 20 Nyakanga nyuma y’igitaramo cya Iwacu Muzika Festival, Ama G yongeye gucana umuriro hagati ye na P Fla.

Ati “Uzumve n’ikiganiro cya Aline wahoze areberera inyungu ze (manager) yavuze ko yamuburaga mu bitaramo ari muzima none njye ndi kuboneka mu bitaramo binini nk’iki ndwaye. Ubundi reka mbabaze mwa banyamakuru mwe duhite tubirangiza, uri umubyeyi w’umugabo bakaguhitishamo kubyara Ama G cyangwa P Fla, wabyara nde? cyangwa reka tuvuge uri umukobwa ugiye gushaka umugabo bakaguhitishamo hagati yacu.”

Arongera ati “Rero abantu babona ukuri mvuye gukora Live ndwaye, umuntu ntarakora live na rimwe muzi njye izo nagiye nkora, noneho reka mbabaze icyoroshye ari njye na P Fla ninde wakoze live? Sinjye se ? kandi zirenze imwe. Ibyo ni ibintu biba bifitiwe ibisubizo.”

Ama G The Black yavuze ko impamvu yoherereje sheki P Fla ngo ajye gukora indirimbo ari uko yabonye uyu muraperi yaracitse intege agahitamo kumuha ubufasha kugira ngo abe yakongera kumvikana mu muziki.

Ati “Nabonye yaracitse intege mu gukora indirimbo nshaka kumufasha kuko nanjye hari igihe njya ncika intege abantu bakamfasha. Hari n’ibindi byabaye mutazi, ariko dukore umuziki.”

Ama G The Black ni umwe mu bahanzi bifashishijwe mu gitaramo cya Iwacu Muzika cyabereye mu Karere ka Ngoma, yagiye ku rubyiniro ari ku miti kubera Malaria.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kemi yarahiriye kwandagaza umuhanzi Davido kubera inabi yamugiriye

Umunyamakuru ku byerekeye ubuzima witwa Kemi Olinloyo yiyemeje kwandagaza...
31 May 2020 Yasuwe: 915 0

Taylor Swift yibasiye Donald Trump avuga uburyo ari rutwitsi bitewe...

Umuhanzikazi uri mu byamamare ku isi, Taylor Swift avuga ko ibyo Perezida...
30 May 2020 Yasuwe: 3127 0

Diamond na Tanasha bandikiye ibaruwa uwigize Papa w’umwana wabo

Umuhanzikazi Tanasha Donna n’umuhanzi Diamond Platnumz bandikiye ibaruwa...
30 May 2020 Yasuwe: 2039 0

Miss Muyago umukunzi wa Kimenyi Yves yavuze ku Nda bivugwa ko atwite atera...

Hashize iminsi ku mbuga nkoranyambaga no muri bimwe mu binyamakuru...
30 May 2020 Yasuwe: 3395 0

Reba umunyarwandakazi ibinyamakuru byo muri Tanzania bivuga ko ari mu...

Ibinyamakuru byo muri Tanzania byifashishije ifoto y’umunyarwandakazi...
30 May 2020 Yasuwe: 8455 3

Impamvu Yemi Alade yavuze ko akunda abasore yamenyekanye

Ku wa 27 Gicurasi 2017 umuririmbyikazi wo muri Nigeria uzwi nka Yemi Alade...
30 May 2020 Yasuwe: 2378 0