Ama G yavuze umuhanzi urambiranye yasigiye igifunguzo

Imyidagaduro   Yanditswe na: Iyamuremye Janvier 26 December 2017 Yasuwe: 2496

Ku cyumweru tariki ya 24 Ukuboza 2017 nibwo umuraperi Hakizimana Aman [Ama G The Black] yasabye anakwa umukunzi we Uwase Liliane bamaranye umwaka urenga mu rukundo.

Umuhango wo gusaba no gukwa wabereye ahitwa Christ Guest House ku Ruyenzi, ho mu karere ka Kamonyi mu Ntara y’amajyepfo.Nyuma y’ubu bukwe bwe, Ama-G The Black akaba yarahise atangaza umuhanzi nyarwanda asigiye igifunguzo cy’ubuseribateri.

Amashusho ari kuri konti ya instagram ya Parrain we[Umunyamakuru Mike Karangwa] agaragaza Ama G atwaye umugeni we mu modoka ya Pick UP[zimwe ufungura hejuru].Mu ijwi rya Mike Karangwa akaba na Parrain yifurije Ama G The Black ishya n’ihirwe mu buzima bushya atangiye anaboneraho kumubaza uwo asigiye igifunguzo cy’ubuseribateri.

Ama G na Parrain we
Mike yatangiye abaza Ama G The Black niba yishimye.Yagize ati “ Urishimye se? Ama G asubiza ati “Cyane”. Mike yongeye kubaza Ama G The Black uwo asigiye igifunguzo, ati “igifunguzo wagisigiye nde? Ama G atazuyaje yasubije ati “ Senderi International Hit….Mike yongera kumubaza impamvu ahisemo Senderi ko ariwe yasigira igifunguzo,ati “Kubera iki se?...Maze Ama G asubiza ati “ Ararambiranye.’

Ama G, mu ijwi ryuzuye ibyishimo ry’uko acyuye umugeni we yatangaje ko atakwirirwa atekereza cyane k’uwo asigiye igifungo cy’ubuseribateri kuko asanzwe amuzi.Ama G na Senderi ni inshuti zikomeye kuva cyera ni kenshi umunyamakuru wa UMURYANGO yagiye abona Senderi yagendereye urugo rwa Ama G The Black.

Senderi kandi ni umwe mu bahanzi biyongera ku rutonde rw’abahanzi batashye ubukwe bwa mugenzi wabo Ama G The Black barimo Danny Nanone, Bruce Melody, Young Grace ndetse na Social Mula.

Mike, Ama G, Liliane ndetse na Aline Gahongayire

Ama G n’umufasha we

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jay Polly yatangaje umuhanzi utaramusuye muri gereza bikamutungura

Umuraperi Jay Polly uherutse gufungurwa ku bunani yavuze byinshi mu...
16 January 2019 Yasuwe: 2540 0

Nyuma yo kugaragara kwa bamwe mu bakobwa benshi barimo Umutoni Olive na...

Abakobwa 20 bari mu irushanwa ryo gushaka uzaba Miss Rwanda 2019 ubu bari...
16 January 2019 Yasuwe: 1809 0

Abantu benshi bibeshya kuri Rukundo bakamwifotorezaho baziko ari...

Rukundo Derrick ni umusore ukomeje gutangaza benshi kubera uburyo asa...
16 January 2019 Yasuwe: 1549 0

Umusore wigambye gukundana na Nyampinga Iradukunda Liliane yibasiriye...

Umuhanzi witwa Bahoza Danny uzwi nka Danny B wigambye ko yamaze umwaka wose...
15 January 2019 Yasuwe: 5848 12

Miss Vanessa na The Ben batumye ikibazo cya mukorogo cyongera kuvugwa...

Mu gihe ku mbuga nkoranyambaga hadutse inkundura yiswe “10yearschallenge”...
15 January 2019 Yasuwe: 4104 0

Bagwire Keza Joannah wabaye Miss Heritage 2015 yapfushije se...

Bagwire Keza Joannah wamamaye cyane mu mwaka wa 2015 ubwo yitabiraga Miss...
15 January 2019 Yasuwe: 2020 0