Amafoto Yaciye Ibintu:Menya amateka y’ifoto ya Yvan Buravan n’umukinnyi ukomeye muri Mukura VS bakiri bato bambaye imyenda ibaruta ikomeje guca ibintu hose[AMAFOTO]

Imyidagaduro   Yanditswe na: Martin Munezero 15 February 2019 Yasuwe: 4397

Mu minsi ishize nibwo ku mbuga nkoranyambaga hakwirakwiye ifoto y’umuhanzi Yvan Buravan ndetse n’umukinnyi wa Mukura VS, Iradukunda Jean Bertrand, ni ifoto ya kera ubona ko bari bakiri abana, bambaye imyenda ibaruta bafite indanguramajwi mu ntoki(microfone), Bertrand avuga ko byamutunguye kuyibona gusa ngo yafashwe muri 2011 ubwo bari bamaze gukina ikinamico ku ishuri.

Aba basore bombi ubu barakuze ku buryo nk’uko bigaragara kuri iyi foto utapfa kwemera ko aribo bitewe n’uko bameze kuri ubu, gusa na none ntaho wahera uhakana kuko n’ubundi amasura yabo bigaragara ko aribo.

Nk’uko umwe mu bari kuri iyi foto yabitangaje, Bertrand kugeza ubu akaba ari umukinnyi wa Mukura VS kuri ubu, yavuze ko iyi foto imaze imyaka 8 ifashwe kuko yafashwe muri 2011 mu kigo cy’amashuri cya La Colombiere aho yigaga bamaze gukina ikinamico.

yagize ati”Yafashwe 2011 twari turi ku ishuri La Colombiere, hari umunsi mukuru wari wabaye turi bukine ikinamico hari n’indirimbo iri burirmbwe, hari na Priscilla n’abandi bakobwa, hariya twari tumaze gukina ikinamico.”

Bertrand ubu ni umukinnyi ukomeye mu ikipe ya Mukura VS

Aganira na Eachamps dukesha iyi nkuru,Bertrand yakomeje avuga ko iriya foto yamutunguye, gusa ngo na none yamushimishije kuko ari ikimenyetso kimwereka ko ntaho Imana itakura umuntu.

Yagize ati”Yantunguye nanjye sinzi aho bayikuye niba ari Buravan wayizanye sinzi, nkimara kuyibona nabonye ko umuntu ava kure kandi ntaho Imana itamukura, imyaka iba ishize iba ari myinshi kubona ifoto nk’iriya binatuma wibuka ibintu byinshi.”

Yvan Buravan ubu yarakuze ndetse aba n’icyamamare mu muziki

Iyi foto yafashwe Yvan Buravan afite imyaka 16 y’amavuko ubu akaba afite imyaka 24 ndetse akaba ari umuhanzi ukomeye mu Rwanda wigaruriye imitima ya benshi kubera indirimbo z’urukundo, ni mu gihe Bertrand ubu ari imwe mu nkingi za mwamba mu ikipe ya Mukura VS ubwo iyi foto yafatwaga yari afite imyaka 14 ubu akaba afite 22.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zari yagaragaje mu buryo budasanzwe uburyo yashimishijwe n’Impano ihenze...

Zari wahoze ari umugore wa nyakwigendera Ssemwaga Ivan wari umuherwe muri...
23 May 2019 Yasuwe: 3787 1

Diamond yamaze kugaragaza ko yaciye ukubiri n’abana be yabyaranye na...

Umuhanzi Diamond Platnumz wahoze ari umugabo wa Zari Hassan yamaze...
22 May 2019 Yasuwe: 4504 0

Deborah umukobwa wa Apôtre Masasu agiye kurongorwa na Dr Musafiri...

Imfura ya Apôtre Joshua Masasu, Deborah Uwamahoro Masasu agiye kurushingana...
22 May 2019 Yasuwe: 7270 0

Kidum yagiriye inama Marina yo kureka amatiku n’abahanzikazi bagenzi be...

Kidum Kibido Kibuganizo umwe mu bahanzi bakomeye hano mu karere ka Afurika...
22 May 2019 Yasuwe: 2925 0

Producer Junior waciwe akaboko nyuma y’impanuka yakoze yagaragaye ari mu...

Umuhanzikazi Oda Paccy uzwi cyane mu njyana ya Hip-Hop na Producer Junior...
22 May 2019 Yasuwe: 7179 0

Umuraperi Riderman yavuze impamvu itangaje yatumye afana ikipe ya Rayon...

Umuraperi Riderman uri mu batangije injyana ya Hip Hop mu Rwanda,yatangaje...
21 May 2019 Yasuwe: 5297 1