skol
startimes

Amafoto yaciye ibintu:Menya ikihishe inyuma y’ifoto ya Bruce Melodie yatereye Ivi Miss Igisabo[AMAFOTO]

Imyidagaduro   Yanditswe na: Martin Munezero 27 October 2020 Yasuwe: 23188

Hashize iminsi tubabwira inkuru y’urukundo hagati ya Bruce Melodie na Miss Honorine wamenyekanye nka Igisabo. Nubwo aba bombi ntawigeze yerura ngo atangaze ukuri ku rukundo rubavugwaho.


Abinyujije ku rukuta rwe rwa instagram, Miss Honorine yashyize hanze ifoto ye ubwo umuhanzi Bruce Melodie yateye ivi ndetse ameze nk’umuntu uri kumusaba ko yazamubera umugore ndetse arenzaho n’amagambo agira ati: « I said Yes »,bivuze ngo ’ Navuze YEGO’.

Iyi Foto kandi ya Bruce Melodie yatereye Ivi Miss Igisabo ikaba ikomeje gucicikana ku mbuga bnkoranyambaga zo mu Rwanda,ndetse abenshi bemeza ko Bruce Melodie yambitse impeta Miss Igisabo kandi nyamara afite n’undi mugore babana ndetse bamaze kubyarana abana babiri.Amakuru agera ku kinyamakuru UMURYANGO ngo nuko iyi Foto atari ibintu bya nyabyo kuko ngo bari bari gufata ifoto yo gukoreshwa mu kwamamaza Telefone z’ikigo cya hano mu Rwanda gicuruza Telefone zigezweho.

Gusa nubwo ibigaragara kuri iyi Foto atari ibyanyabyo,n’ubusanzwe aba bombi bafitanye undi mubano wihariye,kuko bamwe mu bafana ba Miss Honorine (Igisabo) baherutse kumubaza niba yaba akundana na Bruce Melodie maze nawe abasubiza agira ati : “Niko byahoze,Si Iby’ubu". Bigaragara ko uyu mukobwa asanzwe ari mu rukundo na Bruce Melodie kandi hashize igihe aba bombi bakundana.

Nyuma kandi amafoto ya Bruce Melodie ari kumwe na Honorine akaba yarasibwe kuri account ya instagram ya Miss Igisabo (Miss Honorine),bikaba byari mu rwego rwo gucogoza inkubiri y’ibibazo abamukurikira ku mbuga nkoranyambaga bamubazaga.

Miss Igisabo ashyira hanze ayo mafoto ye na Bruce Melodie yagize ati: “Some vitamins😉? Huh… It is only the beginning💯. Umwami ni Icyamamare @brucemelodie ❤️”,tugenekereje amwe mu magambo yavuzemo y’icyongereza aragira ati "Zimwe muri Vitamine,Huh....Ni Intangiriro.....".

Nyuma y’ibi Miss Igisabo yari yatangaje, Bruce Melodie nawe nyuma yifashishije post Miss Igisabo yari amaze gushyira hanze maze nawe ayisangiza abamukurikira ndetse ayiherekesha akarango k’umutima (😍),ibintu byaje bikuraho urujijo Miss Igisabo yari ateje mu bakunzi be n’aba Bruce Melodie.

Bruce Melodie akaba ubusanzwe afite umugore babana batasezeranye mu buryo bw’amategeko,bakaba bamaze kubyarana abana Babiri ndetse akaba yarigeze no kuvugwaho kubyarana umwana n’umukobwa uzwi ku izina rya AGASARO Diane,gusa nyuma uyu muhanzi yaje kubihakana ko uwo mwana atari uwe uyu mukobwa ko yamubeshyeraga.

Uyu muhanzi ni umwe mu bahanzi b’abahanga u Rwanda rufite dore ko amaze gutwara ibihembo bikomeye bya hano mu Rwanda birimo Primus Guma Guma (PGGS8) yatwaye, yahatanye no muri rimwe mu marushanwa akomeye hano ku mugabane wa Afurika rihuza abanyempano ‘Coke Studio’.

Bruce Melody ni umuhanzi wagiye agaragara mu bikorwa bitandukanye nk’aho aherutse kugaragara mu gitaramo umuhanzi w’umunyamerika ‘Ne-Yo’ yakoreye muri Kigali Arena mu kwezi kwa Nzeri,2019 aho yatangaje ko ari kimwe mu bitaramo nawe azirikana ko yatanzemo ibyishimo kubari bataramiye aho basagaga 6000.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ykee Benda yarusimbutse nyuma y’impanuka ikomeye yakoze[AMAFOTO]

Umuhanzi Wycliffe Tugume uzwi nka Ykee Benda mu muziki wa Uganda, yakoze...
23 November 2020 Yasuwe: 780 0

Menya impamvu n’igihe Samuel L. Jackson yafataga bugwate Papa wa Martin...

Benshi bazi Samuel L. Jackson nk’umukinnyi wa filime wamamaye muri Hollywood...
22 November 2020 Yasuwe: 1368 0

Mubyara wa Jules Sentore nawe wari umuhanzi yitabye Imana[AMAFOTO]

Umuhanzi Ishimwe Soumare Frank wamenyekanye muri muzika nka King Bayo,...
21 November 2020 Yasuwe: 2408 0

Menya byinshi byihariye ku muhanzi Kidumu

Jean Pierre Nimbona uzwi ku izina rya Kidum yavutse tariki ya 28 Ukwakira...
21 November 2020 Yasuwe: 1127 0

Amafoto Yaciye Ibintu:Rihanna yongeye kugaragara mu isura yatangaje...

Kuri uyu wa gatatu, Rihanna yagaragaye afite imisatsi mishya n’imyambarire...
20 November 2020 Yasuwe: 4311 0

John Legend yasimbuwe na Michael B Jordan ku mwanya w’umugabo...

John Legend w’imyaka 40 y’amavuko yasimbuwe na Michael B Jordan ku mwanya...
18 November 2020 Yasuwe: 1463 0